6:186  que  nostre  nature  soit  renouvellee,  pour  avoir  entree  au  Royaulme  de  Dieu:  c'est  signe,  qu'elle  est  du  tout  perverse  et  mauldicte.  En  cela  donques  il  nous  admoneste  de  nous  humilier  et  nous  desplaire  en  nousmesmes:  et  en  ceste  maniere  il  nous  prepare  a  desirer  et  requerir  sa  grace:  par  laquelle  toute  la  perversite  et  malediction  de  nostre  premiere  nature,  puisse  estre  1)  abolie.  Car  nous  ne  sommes  point  capables  de  la  recevoir,  que  premierement  nous  ne  soyons  vuides  de  toute  fiance  de  nostre  vertu,  sagesse  et  iustice:  iusques  a  condemner  tout  ce  qui  est  en  nous.  Or,  quand  il  nous  a  remonstre  nostre  malheurte:  il  nous  console  semblablement  par  sa  misericorde,  nous  promettant,  de  nous  regenerer  par  son  sainct  Esprit,  en  une  nouvelle  vie,  laquelle  nous  soit  comme  une  entree  en  son  Royaulme.  Ceste  regeneration  consiste  en  deux  parties:  c'est,  que  nous  renoncions  a  nousmesmes,  ne  suyvant  point  nostre  propre  raison,  nostre  plaisir  et  propre  volunte;  mais  subiugant  et2)  captivant  nostre  entendement  et  nostre  coeur,  a  la  sagesse  et  iustice  de  Dieu,  mortiffions8)  tout  ce  qui  est  de  nous  et  de  nostre  chair:  puis  apres,  que  nous  suyvions  la  lumiere  de  Dieu  pour  complaire  et  obtemperer  a  son  bon  plaisir,  comme  il  nous  le  monstre  par  sa  parolle,  et  nous  y  conduict  et  dirige4)  par  son  Esprit.  L'accomplissement  et  de  l'un  et  de  l'aultre  est  en  nostre  Seigneur  Iesus,  duquel  la  mort  et  passion  a  telle  vertu  et  efficace5)  qu'en  participant  a  icelle,  nous  sommes  comme  ensepvelis  a  peche:  afin  que  noz  concupiscences  charnelles  soyent  mortiffiees.  Pareillement,  par  la  vertu  de  sa  resurrection,  nous  ressuscitons  en  nouvelle  vie,  qui  est  de  Dieu:  entant  que  son  Esprit  nous  conduict  et  gouverne,  1)  1558  suiv.:  soit  abolie.  2)  subiugant  et,  manque  1547  si  3)  1545:  mortifiant.  4)  et  dirige,  manque  1547  ss.  5)  et  efficace,  manque  1547  ss.