55:186  nisi  cum  humilitate  et  modestia  coniunctum.  Ita  damnat  tam  praeposteram  carnis  fiduciam,  quam  desidiam,  quae  inde  gigni  solet.  28.  Deus  enim  noster  ignis.  Quemadmodum  blande  nuper  Dei  gratiam  proposuit  :  ita  severitatem  denuntiat:  ac  videtur  hanc  sententiam  mutuatus  ex  Deuter,  capite  4.  Ita  videmus  Deum  nihil  omittere,  quo  nos  ad  se  trahat:  quia  a  dulcedine  quidem  incipit,  quo  libentius  sequamur:  quod  si  alliciendo  parum  proficit,  terret.  Et  sane  expedit,  nunquam  a  Deo  nobis  promitti  gratiam,  quin  minae  admisceantur.  Nam  (ut  nimium  ad  indulgendum  nobis  proclives  sumus)  nisi  hi  stimuli  admoverentur,  frigeret  apud  nos  mitior  doctrina.  Ergo  Dominus,  ut  timentibus  se  propitius  est  ac  misericors  in  mille  generationes:  ita  zelotes  est  ac  iustus  vindex  in  tertiam  et  quartam  generationem,  ubi  contemnitur.  CAPUT  XIII.  1.  Fraterna  caritas  maneat.  2.  Hospitalitatis  ne  sitis  immemores:  per  hanc  enim  quosdam  latuit  quum  recepissent  angelos.  3.  Memores  estote  vinctorum^  tanquam  una  vincti:  eorum  qui  affliguntur,  tanquam  ipsi  quoque  sitis  in  corpore,  4.  Honorabile  in  omnibus  coniugium  et  thorus  impollutus:  scortatores  autem  et  adulteros  iudicabit  Deus.  5.  Sint  mores  sine  avaritia.  Contenti  sitis  iis  quae  adsunt:  ipse  enim  dixit,  non  te  desero  neque  te  derelinquo:  6.  ut  fidentes  dicamus.  Dominus  mihi  adiutor,  neque  timebo  quid  faciat  mihi  homo.  1.  Fraterna  caritas.  De  amore  fraterno  forte  ideo  praecipit,  quia  obscura  ex  fastu  Iudaeorum  simultas  ecclesias  scindere  poterat.  Quamquam  in  genere  haec  praeceptio  valde  est  necessaria,  quia  nihil  facilius  diffluit  quam  caritas  :  dum  sibi  quisque  plus  aequo  addictus,  aliis  minus  tribuit.  Deinde  quotidie  interveniunt  multae  offensae  quae  nos  separent.  Fraternam  appellat,  non  tantum  ut  singulari  et  intimo  amoris  affectu  debere  nos  mutuo  esse  coniunctos  doceat:  sed  etiam  ut  meminerimus,  non  aliter  nos  Christianos  esse  posse  quam  si  fratres  simus.  Nam  de  amore  loquitur  quem  inter  se  colere  debent  domestici  fidei:  quemadmodum  Dominus  communi  adoptionis  vinculo  arctius  eos  simul  devinxit.  Itaque  utilis  in  prima  ecclesia  fuit  loquendi  consuetudo,  quod  se  Christiani  fratres  vocitabant:  nunc  una  cum  re  nomen  ipsum  fere  obsolevit,  nisi  quod  usum  eius  ab  aliis  relictum  monachi  ad  se  rapuerunt,  suis  interea  discordiis  et  intestinis  factionibus  testantes  se  ex  patre  diabolo  omnes  esse  natos.  2.  Hospitalitatis,  ete.  Hoc  quoque  humanitatis