51:186  sios,  quibus  non  vulgarem  pietatis  laudem  ante  tribuerat.  Sed  nunquam  eousque  progressi  sunt  fideles,  quin  adhuc  crescendum  sit.  Summa  itaque  piorum  in  hac  vita  perfectio  est  proficiendi  studium.  Eiusmodi  confirmationem  testatur  opus  esse  spiritus:  unde  sequitur,  non  esse  ex  propria  hominum  facultate.  Nam  sicut  a  spiritu  Dei  est  omnis  boni  initium,  ita  et  incrementa:  deinde  acceptam  fert  Dei  gratiae,  quum  utitur  verbo  donandi.  Quod  minime  admittunt  papistae,  quum  dicunt,  secundas  gratias  nobis  retribui:  prout  quisque  meritus  fuerit,  prima  gratia  bene  utendo.  Nos  vero  cum  Paulo  agnoscamus  donum  esse  gratiae  Dei,  non  tantum  quod  coepimus  bene  currere,  sed  quod  progredimur:  non  tantum  quod  renati  sumus,  sed  quod  in  dies  magis  augemus  Et  quo  apertius  Dei  gratiam  asserat,  dicit,  secundum  divitias  gloriae  suae.  Quod  bifariam  potest  exponi,  vel,  secundum  divitias  suas  gloriosas,  ut  genitivus  valeat  epithetum,  pro  usu  linguae  hebraicae:  vel,  secundum  gloriam  suam  opulentam  et  copiosam.  Ita  nomen  gloriae  pro  misericordia  positum  erit:  quemadmodum  capite  1,6:  hic  secundus  sensus  magis  arridet.  In  hominem  interiorem.  Homo  interior  Paulo  animam  significat,  et  quidquid  ad  spiritualem  animae  vitam  pertinet:  sicut  exterior  corpus  cum  suis  appendicibus:  hoc  est  sanitate  corporis,  honoribus,  divitiis,  aetatis  flore,  gratia,  et  quidquid  tale  est.  Secundae  ad  Corinthios  4,  16,  Si  exterior  homo  noster  corrumpitur,  interior  renovatur  de  die  in  die.  Hoc  est,  si  mundo  cadimus,  hoc  facit  ut  magis  ac  magis  in  nobis  vigeat  spiritualis  vita.  Non  ergo  vult  Paulus  roborari  sanctos,  ut  in  mundo  excellant  et  floreant,  sed  ut  Dei  virtute  fortes  sint  eorum  animae,  quod  ad  regnum  Dei.  17.  Ut  inhabitet  Christus.  Declarat  quale  sit  interioris  hominis  robur.  Nam  quum  in  Christo  pater  omnium  donorum  plenitudinem  reposuerit:  qui  Christum  habet  in  se  manentem,  ei  nihil  deest.  Falluntur  ergo,  qui  aliter  spiritum  Dei  se  posse  adipisci  sperant,  quam  dum  adepti  sunt  Christum.  Quemadmodum  rursus  stulta  est  ac  praepostera  eorum  imaginatio,  qui  Christum  percipi  a  nobis  posse  somniant  absque  spiritu.  Atqui  utrumque  tenendum  est,  eatenus  nos  fieri  spiritus  sancti  participes,  quatenus  Christo  communicamus:  quia  non  alibi  invenietur  spiritus  quam  in  Christo,  super  quem  dicitur  propterea  requievisse:  nec  Christum  a  spiritu  suo  posse  divelli,  ut  sit  quasi  mortuus  et  vacuus  sua  virtute.  Bene  ergo  Paulus  eos  spirituali  Dei  virtute  pollere  definit,  in  quibus  Christus  habitat.  Partem  etiam  designat,  ubi  legitima  est  Christi  sedes,  nempe  cor:  ut  sciamus,  non  satis  esse  si  in  lingua  versetur,  aut  in  cerebro  volitet.  Modum  praeterea  exprimit,  quo  tantum  bonum  obtinetur.  Habitet,  inquit,  per  fidem.  Praeclara