5:186  receperunt  in  confusionem.  Viderunt  enim  unam  esse  redemptionem:  a  qua  exclusi,  quid  aliud  possent  quam  desperare?  Video  istos  iam  fremere  ac  mutire,  glossam  hanc  esse  e  capite  meo  effictam:  his  legibus  se  non  subiici.  Non  addicam  ergo  eos  meis  legibus,  sed  hoc  tantum  rogabo,  annon  spiritus  carcere  clausi,  spiritus  sint?  Clarius  est  quod  apud  eundem  scriptorem  legitur:  In  hoc  mortuis  praedicatum  esse  evangelium,  ut  iudicentur  secundum  homines  carne,  vivant  autem  secundum  Deum  spiritu  (1  Petr.  4,  6).  Videtis,  ut  carne  in  mortem  tradita  spiritum  asserat  in  vitam?  Quum  enim  relatio  sit  vitae  ac  mortis,  afxi  avTiStGiv,*)  alterum  mori  clarum  est,  alterum  vivere.  [fol.  9]  Id  ipsum  ex  Solomone  discimus:  qui  mortem  hominis  describens,  longo  discrimine  animam  a  corpore  separat  (Eccles.  12,  7).  Donec,  inquit,  revertatur  pulvis  in  terram  unde  erat,  et  spiritus  redeat  ad  Deum,  qui  dedit  illum.  Scio  eos  parum  affici  hoc  argumento:  quod  dicunt  vitam  redire  ad  Deum,  qui  est  fons  vitae:  itaque  nihil  amplius  esse.  Sed  verba  ipsa  clamant,  sibi  vim  inferri,  2)  ut  nullum  sit  operae  pretium  refellere  hunc  argutiolam,  indignam  et  lectu  et  auditu.  Iam  hoc  significet  illis  restet,")  animas  redire  ad  fontem  vitae  suae  per  somnium.  Atque  huic  sententiae  respondet  quod  est  apud  Esdram,  quem  equidem  scriptorem  eis  non  opponerem,  nisi  ipso  valde  niterentur.  Audiant  igitur  suum  Esdram:  Terra  reddet  quae  in  ea  dormiunt,  et  in  silentio  habitant:  et  promptuaria  reddent  quae  illis  commendatae  sunt  animae  (4  Esd.  7,  32).  Nugantur,  promptuaria  esse  providentiam  Dei:  animas  vero,  cogitationes:  ut  liber  vitae  offerat  cogitationes  in  conspectum  Dei.  Quae  in  hoc  tantum  ab  eis  dici  constat,  quia,  quum  tacere  pudeat,  nihil  habent  melius  quod  dicant.  Quod  si  ad  hunc  modum  liberet  scripturas  circumvolvere,  pervertere  omnia  promptum  esset.  Nihil  tamen  hic  (quanquam  alia  multa  suppetunt)  de  meo  contra  proferam,  quando  se  ipse  scriptor  a  calumnia  tuetur.  Paulo  enim  ante  dixerat:  Nonne  de  his  interrogaverunt  animae  istorum  in  promptuariis  suis  dicentes:  Usque  quo  Domino  speramus  sic?  quando  veniet  fructus  areae  mercedis  nostrae?  etc.  (4  Esd.  4,  35).  Quae  sunt  istae  animae,  quae  interrogant  1)  Inde  a  1552  latine  scribit  ur:  per  antithesin.  Versio  gallica  haec  verba  silentio  praeterii.  2)  Sibi  hoc  modo  vim  inferri,  legitur  in  ed.  1545  et  seqq.  omnibus.  Gallus  facit  cum  textu  antiquiore.  3)  Locus  corruptus  iam  veteribus  visus  est:  1542  habet  virgulam  post:  restet,  et  inde  Gallus  vertit:  ii  reste  que  ceci  selon  eux  signifie.  .  1545  virgulam  ponit  post:  illis.  Quae  omnia  quum  satis  inconcinne  dicta  viderentur  Gallasius  1552  pro-  restet,  scripsit-,  oportet,  quod  recentiores  omnes  servaruni.