29:186  il  est  dit  que  Gad  suyvra  les  lignees  d'Israel,  c'est  pour  aller  l'espee  desgainee,  tuer  tous  les  masles  de  ce  pais-la,  et  grans  et  petis.  Il  sembloit  bien  qu'il  y  eust  de  la  cruaute.  Voire-mais  cependant  si  falloit-il  que  cela  s'executast:  car  c'estoit  une  iuste  vengeance  de  Dieu.  Quatre  cens  ans  auparavant  il  pouvoit  bien  exterminer  tous  ces  peuples-la,  lesquels  estoyent  si  pervers  et  si  desbordez  a  toute  iniquite,  que  quand  Dieu  les  eust  puni  a  la  rigueur  extreme,  il  falloit  confesser  que  c'estoit  a  iuste  cause.  Or  il  les  espargne  et  supporte:  mais  quand  leur  iniquite  est  meurie,  qu'elle  est  venue  iusques  au  comble,  ainsi  qu'il  avoit  este  dit  a  Abraham  quatre  cens  ans  au  paravant  :  il  faut  alors  que  Dieu  execute  sa  derniere  sentence.  Et  ainsi  notons,  encores  que  ce  que  Dieu  nous  aura  commande,  nous  semble  estrange,  et  que  nous  puissions  disputer  a  l'encontre,  et  qu'il  nous  vinst  des  doutes  et  des  scrupules,  qu'il  n'est  point  question  que  nous  soyons  plus  sages  que  luy,  ou  que  nous  ayons  nulle  replique  pour  nous  retirer  de  son  obeissance:  mais  il  faut  passer  par  la.  Car  c'est  la  vraye  espreuve  et  l'examen  de  nostre  subiection,  quand  Dieu  nous  commande  ce  qui  ne  pourroit  point  estre  trouve  bon  :  et  toutesfois  pource  qu'il  a  parle,  que  nous  tenons  nos  sens  captifs,  que  nous  ne  prenons  point  licence,  pour  dire,  il  me  semble  du  contraire,  ie  ne  trouve  point  cela  raisonnable.  Que  donc  nous  ne  soyons  point  si  presomptueux,  de  disputer  a  l'encontre  de  Dieu:  mais  ce  qui  nous  semble  mauvais,  que  nous  le  trouvions  bon  s'il  l'approuve.  Voila  en  quoy  nous  monstrons  que  vrayement  nous  luy  sommes  subiets  en  tout  et  par  tout.  Ainsi,  quand  nous  oyons  parler  de  la  iustice  de  Dieu  et  de  son  iugement,  et  qu'il  n'est  question  que  de  raser  tout  ce  qu'on  trouvera  en  un  pays,  de  mettre  tout  a  sac,  de  ne  rien  espargner:  cognoissons  que  ce  n'est  poiut  aux  hommes  d'estre  iuges  du  bien  et  du  mal,  mais  qu'il  faut  que  Dieu  en  prononce,  qu'on  se  tienne  la,  et  qu'on  y  acquiesce  du  tout?  Car  si  la  lignee  de  Gad  est  ici  excusee,  pour  n'avoir  rien  entreprins  contre  Dieu,  et  si  elle  est  louee  de  ce  qu'elle  a  fait  iustice  et  iugement  en  la  guerre  :  quand  Dieu  nous  ordonnera  des  choses,  la  ou  nous  serons  beaucoup  plus  conveincus,  que  c'est  droit  et  iustice:  comme  quand  il  veut  que  nous  soyons  dediez  a  luy  en  toute  sainctete:  que  nous  l'invoquions,  que  nous  mettions  toute  nostre  fiance  en  luy,  que  nous  cheminions  avec  nos  prochains  en  bonne  dilection,  taschant  de  servir  a  un  chacun:  quand  donc  Dieu  nous  commande  cela,  qu'il  nous  commande  d'estre  sobres,  d'estre  attrempez  en  toute  nostre  vie:  par  plus  forte  raison  il  faut  bien  qu'un  chacun  de  nous  s'employe  a  luy  obeir:  car  sa  iustice  est  la  assez  patente.  Nous  ne  pouvons  pas  repliquer:  Et  c'est  une  chose  trop  estrange:  car  nous  avons  desia  ce