27:186  (comme  nous  l'avons  monstre  par  ci  devant).  Et  la  raison?  c'est  que  Dieu  a  voulu  esprouver  la  patience  de  son  peuple:  et  aussi  que  le  peuple  n'estoit  pas  digne  que  Dieu  establist  l'ordre  du  premier  coup,  tel  qu'il  l'avoit  promis.  Et  ceci  est  bien  a  noter:  car  nous  voyons  que  les  graces  de  Dieu  sont  retardees  beaucoup.  Dieu  dit:  Vous  n'aurez  point  si  tost  parle,  que  ie  ne  soye  appareille  pour  vous  secourir,  et  mesmes  devant  que  la  parolle  sorte  de  vostre  bouche,  ma  main  sera  estendue  a  vostre  aide.  Dieu  promet  cela:  et  cependant  il  nous  laisse  languir.  Et  pourquoy?  Pource  que  nous  avons  empesche  le  cours  de  sa  grace  par  nostre  incredulite,  et  nous  sommes  si  nonchallans  qu'il  ne  se  haste  point  de  venir  a  nous,  d'autant  aussi  que  nous  ne  venons  a  luy  qu'a  grande  difficulte,  et  comme  en  clochant:  mais  si  est-ce  que  tousiours  il  surmonte  par  sa  bonte  infinie  tous  nos  vices,  comme  il  en  est  advenu  en  ce  que  dit  ici  Moyse.  Dieu  avoit  promis  d'elire  un  lieu  ou  son  sanctuaire  reposeroit  a  iamais.  Or  cela  se  devoit  faire  si  tost  que  le  peuple  est  entre  en  la  terre  de  Canaan:  mais  cela  est  differe  longuement:  voila  cent  ans,  deux  cens,  trois  cens,  et  quatre  cens  ans  qui  se  passent,  et  ou  est  la  promesse  de  Dieu?  Pource  que  le  peuple  n'est  pas  digne  d'estre  ainsi  satisfait  comme  Dieu  l'avoit  declaire,  il  faut  donc  qu'il  porte  la  condamnation  de  ses  fautes:  car  il  n'a  point  dechasse  les  ennemis  comme  il  luy  estoit  commande,  il  a  este  lasche:  et  puis  il  s'est  destourne,  et  desbauche  en  beaucoup  de  vices  et  corruptions.  Voila  donc  Dieu  qui  retire  sa  main,  et  n'accomplit  point  sa  promesse,  iusques  au  temps  de  David.  Mais  combien  que  le  peuple  soit  malin,  et  pervers,  combien  qu'il  soit  ingrat  a  Dieu,  combien  qu'il  provoque  son  ire  en  tant  de  sortes  que  rien  plus,  si  ne  peut-il  aneantir  du  tout  ceste  promesse.  Et  la  raison?  Elle  ne  depend  point  des  merites  des  hommes.  Combien  donc  que  les  hommes  en  soyent  indignes,  si  est-ce  que  Dieu  en  la  fin  accomplit  ce  qu'il  a  dit:  mais  il  y  a  un  delay  entre  deux,  afin  que  le  peuple  cognoisse  son  mal,  qu'il  s'y  desplaise,  et  qu'il  en  gemisse.  Apprenons  donc  par  la,  que  si  quelquefois  Dieu  ne  monstre  point  du  premier  coup  qu'il  nous  vueille  en  effect  amener  en  possession  de  ses  graces,  que  c'est  d'autant  que  nous-nous  en  sommes  retirez  par  nostre  malice.  Mais  tant  y  a  que  nous  n'en  serons  point  privez,  moyennant  que  nous  recognoissions  nos  vices  pour  nous  y  desplaire,  et  qu'en  la  fin  sa  main  nous  sera  tendue  pour  nous  faire  entrer  en  possession  de  la  grace  de  laquelle  nous  meritions  ��stre  bannis.  Il  est  vray  que  cela  ne  servira  rien  aux  hypocrites:  mais  quant  a  l'Eglise  de  Dieu,  encores  qu'elle  languisse  pour  un  temps,  nostre  Seigneur  en  la  fin  monstrera  que  sa  bonte  surmonte