10.1:186  Il  se  faut  bien  ici  garder  d'ambition,  mais  c'est  tant  d'une  part  que  d'autre.  A  savoir  comme  on  ne  doit  point  pour  gratifier  rompre  l'ordre  de  l'Eglise,  aussi  qu'on  ne  doit  point  en  tenant  trop  grande  rigueur  donner  occasion  de  penser  qu'on  cherche  son  avantage.  Et  de  fait,  le  mot  dont  S.  Paul  use  quand  il  defend  de  rien  faire  par  ambition,  emporte  appetit  de  victoire.l)  Ainsi  le  vray  moyen  qu'on  a  a  tenir  en  tels  troubles  est  de  ne  point  chercher  qui  gaignera.  Si  ceux  qui  font  profession  de  se  vouloir  retirer  au  bon  chemin  se  sentent  grevez  en  ceci  ils  ont  grand  tort.  Car  il  est  certain  quon  ne  les  peut  tenir  pour  pasteurs  chrestiens  qu'ils  n'ayent  renonce  a  la  prestrise  papale,  en  laquele  ils  ont  este  institues  pour  sacrifier  Iesuchrist,  qui  est  un  blaspheme  digne  d'estre  deteste.  Et  puis  il  faut  bien  qu'ils  protestent  de  s'abstenir  doresenavant  de  toutes  superstitions  et  ordures  qui  repugnent  a  la  simplicite  de  l'Evangile.  Car  comment  pourroyent  ils  administrer  la  saincte  Cene,  sinon  estans  separez  de  ceste  abomination  de  la  Messe?  Et  aussi  ils  ne  peuvent  estre  ministres  du  Baptesme,  qu'en  reiettant  les  meslinges  dont  il  a  este  corrumpu.  Bref  l'Eglise  ne  les  peut  accepter  pour  pasteurs  qu'ils  ne  s'obligent  de  faire  leur  devoir.  Cela  presuppose  il  faudra  qu'un  Evesque  tasche  tant  qu'il  pourra  de  purger  les  Eglises  qui  sont  sous  sa  charge  et  superintendence  de  toutes  idolatries  et  erreurs,  monstrant  le  chemin  a  tous  Curez  de  son  Diocese,  et  les  induisant  a  obeir  a  la  reformation  a  laquele  la  Parole  de  Dieu  nous  convie  et  laquele  est  conforme  a  l'estat  et  prattique  de  l'Eglise  primitive.  Ce  pendant  qu'il  declare  n'avouer  ceux  qui  ne  voudront  acquiescer  a  la  Parole  de  Dieu  et  qu'il  monstre  a  l'opposite  qu'il  saccorde  avec  les  vrais  serviteurs  de  Dieu  et  qu'il  veut  observer  union  fraternelle  avec  eux.  Touchant  du  bien  temporel,  soit  en  iurisdiction  ou  revenu,  combien  que  c'est  une  corruption  incompatible  avec  la  pure  simplicite  du  regime  spirituel  de  l'Eglise,  toutesfois  durant  que  les  choses  demeurent  confuses  on  pourra  bien  par  tolerance  leur  en  laisser  la  possession,  moyennant  quon  les  exhorte  de  distribuer  le  bien  qu'ils  ont  entre  mains,  comme  estant  dedie  a  Dieu,  tant  pour  ne  point  profaner  les  choses  sacrees  qu'aussi  pour  se  tenir  en  modestie  convenable  a  vrays  Evesques.  Au  reste  le  meilleur  seroit,  quand  teles  gens  voudroyent  retenir  leurs  Seigneuries  et  iurisdictions  terriennes,  qu'ils  se  contentassent  destre  tenus  comme  protecteurs  de  l'Eglise  tenant  le  main  a  ce  que  la  parole  de  Dieu  preschee  par  les  ministres  fust  re-  1)  (paoviixia  (?).  La  traduction  latine  met  le  mot  grec  et  cite  1.  Cor.  ll,  16.