55:185  185  CAPUT  IIII.  186  dam  saperet:  nondum  supra  coelos  eveheret  hominum  mentes  ad  perfectam  sapientiam.  Quamquam  enim  eandem  lex  doctrinam  continebat:  quia  tamen  paedagogia  tantum  fuit,  perfectio  semper  illi  detrahitur.  26.  Cuius  vox  terram.  Quum  Deus  terram  concusserit  in  lege  publicanda,  probat  nunc,  magnificentius  ipsum  loqui,  quia  terram  simul  et  coelum  concutiat.  In  eam  rem  citat  testimonium  prophetae  Hagai  (2,  7).  Neque  tamen  singula  verba  refert,  sed  quia  propheta  concussionem  terrae  et  coeli  futuram  praedicit,  hoc  sumit  apostolus,  ut  doceat  evangelii  vocem  non  in  terra  solum  tonare,  sed  penetrare  supra  coelos.  Porro  illic  agi  de  Christi  regno,  extra  controversiam  esse  debet:  nam  mox  in  contextu  sequitur;  Commovebo  omnes  gentes,  et  veniet  desiderium  cunctarum  gentium,  et  implebo  domum  istam  gloria.  Atqui  certum  est  neque  gentes  omnes  collectas  fuisse  in  unum  corpus,  nisi  Christi  auspiciis:  nec  aliud  esse  desiderium  in  quo  acquiescamus  omnes  quam  ipsum  Christum:  nec  templum  Solomonis  fuisse  gloria  superatum,  nisi  quum  eius  magnitudo  per  totum  orbem  diffusa  fuit.  Quare  tempus  Christi  procul  dubio  designat  propheta.  Quod  si  exoriente  Christi  regno,  non  inferiores  tantum  mundi  partes  concuti,  sed  vim  eius  in  coelum  usque  pervenire  oportuit:  merito  colligit  apostolus,  sublimiorem  esse  evangelii  doctrinam,  et  quae  ab  omnibus  creaturis  clarius  exaudienda  sit.  27.  Illud  autem,  adhuc  semel.  Ad  verbum  sic  loquitur  propheta:  Adhuc  unum  modicum.  Significat  autem  non  diuturnam  fore  calamitatem  populi,  quin  Dominus  succurrat.  Sed  apostolus  in  hac  voce  non  insistit:  tantum  ex  concussione  coeli  et  terrae  infert  totius  mundi  statum  debere  Christi  adventu  mutari.  Nam  quae  creata  sunt,  corruptioni  subiacent.  At  Christi  regnum  aeternum  est.  Ergo  creaturas  omnes  in  melius  reformari  necesse  est.  Inde  sibi  transitum  facit  ad  aliam  exhortationem,  ut  regnum  apprehendamus  quod  concuti  non  potest:  quoniam  ideo  nos  movet  Dominus,  ut  vere  et  perpetuo  apud  se  stabiliat.  Quamquam  magis  probo  diversam  lectionem  quam  vetus  interpres  reddidit:  Suscipientes  regnum,  habemus  gratiam.  Si  affirmative  legas,  sensus  optime  fluet:  nos,  dum  amplectimur  evangelium,  donari  Christi  spiritu,  ut  reverenter  et  pie  colamus  Deum.  Si  in  modo  hortandi  legas:  Habeamus:  coacta  et  obscura  erit  loquutio.  In  summa  hoc,  meo  iudicio,  vult  apostolus,  modo  fide  ingrediamur  in  Christi  regnum,  nos  firma  gratia  potituros,  quae  nos  efficaciter  in  Dei  cultu  retineat:  quia  sicuti  Christi  regnum,  ita  et  donum  regenerationis  mundo  sit  superius.  Quum  dicit,  coli  Deum  eoapeaxcoc  cum  reverentia  et  timore,  etsi  promptitudinem  et  gaudium  exigit  in  nostris  obsequiis,  simul  tamen  nullum  illi  probari  cultum  significat,