51:185  185  CAPUT  III.  186  hortari:  verum  simul  a  Domino  petere  suis  laboribus  proventum,  ne  sint  infructuosi.  Quamquam  non  debet  hoc  dare  ignaviae  causam,  quum  audiunt,  nihil  se  profecturos  sua  industria  et  labore,  nisi  quoad  Dominus  benedixerit:  sed  inutile  fore  quidquid  studii  et  diligentiae  impenderint.  Quin  potius  strenue  laborare  debent  serendo  et  rigando:  modo  interim  a  Domino  petant  incrementum  et  exspectent.  Hoc  modo  refellitur  Pelagianorum  et  papistarum  calumnia,  dum  arguunt,  supervacuam  fore  omnem  doctrinam,  si  sola  spiritus  sancti  gratia  mentes  illuminet,  si  corda  formet  in  obedientiam.  Nam  ideo  illuminamur  et  renovamur  a  spiritu  sancto,  ut  apud  nos  valeat  doctrina  sitque  efficax:  ne  caecis  proferatur  lumen,  ne  surdis  veritas  canatur.  Ergo  solus  ita  Dominus  agit  in  nobis,  ut  instrumentis  tamen  suis  agat.  Ideo  pastorum  officium  est  gnaviter  docere  :  populi  rursum,  sedulo  attendere  ad  doctrin  am.  Sed  utrosque  oportet,  ne  inanibus  exercitiis  se  fatigent,  ad  Dominum  confugere.  Quum  dicit  f  l  e  c  t  e  r  e  genua,  a  signo  rem  denotat.  Non  quod  oratio  semper  requirat  genuflexionem:  sed  quoniam  hoc  reverentiae  signum  communiter  adhibeatur,  praesertim  ubi  non  perfunctoria  est,  sed  seria  oratio.  15.  Ex  quo  omnis  cognatio.  Relativum  ex  quo  tam  in  patrem  quam  in  filium  potest  competere.  Non  placet  quod  Erasmus  ad  patrem  nominatim  restringit.  Neque  enim  tollenda  erat  libertas  lectoribus.  Imo  altera  expositio  longe  est  probabilior.  Nam  alludit  apostolus  ad  eam  cognationem  quae  Iudaeis  erat  inter  se,  ob  communem  patrem  Abraham  qui  erat  initium  generis.  Ex  adverso  autem,  dum  tollere  vult  discrimen  inter  Iudaeos  et  gentes,  dicit,  non  homines  solum  universos  in  unam  familiam  unumque  genus  per  Christum  redactos  esse:  sed  angelis  etiam  factos  esse  contribules.  Si  quis  de  ipso  Deo  interpretatur,  non  ita  conveniet  :  si  quidem  in  promptu  esset  exceptio,  Deum  olim  praeteritis  gentibus,  Iudaeos  sibi  in  populum  peculiarem  adoptasse.  Sed  quum  ad  Christum  venitur,  tunc  fit  quod  Paulus  docet.  Coeunt  enim  et  coalescunt  omnes  in  unam  domum,  ut  sub  uno  Deo  patre  sint  invicem  fratres.  Intelligamus  ergo,  Christi  auspiciis  cognationem  inter  Iudaeos  et  gentes  sacratam  esse:  quia  nos  reconcilians  patri,  unum  simul  omnes  fecerit.  Non  est  ergo  amplius  quod  glorientur  Iudaei,  aut  progenie  Abrahae,  aut  hac  vel  illa  tribu,  quo  despiciant  reliquos  tanquam  profanos,  sibi  honorem  sancti  populi  vendicent.  Una  enim  est  cognatio  aestimanda,  tam  in  coelo  quam  super  terram,  tam  inter  angelos  quam  homines:  nempe  si  ad  Christi  corpus  pertinemus.  Nam  extra  ipsum  nihil  quam  dissipatio  reperietur:  ipse  autem  solus  vinculum  est  nostrae  colligationis.  16.  Tit  det  vobis.  Optat  Paulus  roborari  Ephe-