5:185  PSYCHOPANNYCHIA.  mine  Iesu,  suscipe  spiritum  meum.  Habent  hic  quod  garriant,  Christum  patri,  et  Stephanum  Christo  vitam  commendare,  in  diem  resurrectionis  custodiendam.  Sed  verba  aliter  sonant,  praesertim  illa  Stephani.  Et  evangelista  addit  (Ioann.  19,30)  de  Christo,  quod  inclinato  capite  tradidit  spiritum:  quae  verba  ad  anhelitum  aut  pulmonum  agitationem  respicere  non  possunt.  Nec  minus  evidenter  apostolus  Petrus,  animas  a  morte  et  esse,  et  vivere  ostendit:  quum  tradit,  Christum  his,  qui  in  carcere  erant,  spiritibus  praedicasse:  nec  spiritibus  modo  piorum,  remissionem  ad  salutem,  sed  impiorum  quoque  spiritibus  [fol.  8]  confusionem  (1  Petr.  3,  19).  Sic  enim  illum  locum  interpretor,  qui  multa  ingenia  torsit,  et  persuasurum  me  bonis  omnibus  confido.  Nam  quum  de  humilitate  crucis  Christi  loquutus  esset,  ostendissetque  pios  omnes  oportere  ad  eius  imaginem  conformari,  ne  desperatione  conciderent,  continuo  attexit  resurrectionis  mentionem,  ut  doceat  quibus  tribulationibus  futurus  sit  finis.  Commemorat  enim,  Christum  non  succubuisse  morti:  sed  ea  subacta  victorem  emersisse.  Id  suis  verbis  dicit  mortificatum  quidem  carne,  vivificatum  tamen  spiritu:  eodem  scilicet  sensu,  quo  Paulus  scribit,L)  passum  fuisse  in  humilitate  carnis,  excitatum  autem  virtute  spiritus.  Iam  ut  virtutem  ipsam  ad  se  quoque  pertinere  fideles  intelligerent,  subiungit  Christum  hanc  virtutem  erga  alios  exseruisse:  neque  erga  vivos  modo,  sed  etiam  mortuos  :  deinde  non  tantum  erga  servos  suos,  sed  incredulos  quoque  ac  2)  gratiae  suae  contemptores.  Porro  intelligamus  defectivam  esse  orationem,  deesseque  ex  duobus  membris  alterum:  cuius  generis  multa  sunt  in  scripturis  exempla,  praesertim  ubi  multae  sententiae  una  clausula  colliguntur,  quemadmodum  hic  factum  est.  Nec  vero  miretur  quisquam  includi  carcere  sanctos  patres,  qui  redemptionem  Christi  'exspectabant.  Quia  enim,  veluti  sub  nube  et  umbra,  eminus  lucem  prospiciebant  (veluti  qui  reliquias  diei  vident  sub  serum  crepusculum,  aut  diem  venientem  sentiunt  ante  auroram)  nec  adhuc  habebant  exhibitam  sibi  Dei  benedictionem,  in  qua  requiescerent:  eorum  exspectationem  vocavit  carcerem.  Erit  igitur  sensus  apostoli:  Christum  in  spiritu  iis  qui  in  carcere  erant  spiritibub  praedicasse,  hoc  est,  virtutem  redemptionis  per  Christum  partae,  mortuorum  spiritibus  apparuisse,  ac  exhibitam  esse.  Hic  deest  alterum  membrum,  quod  ad  pios  pertinebat,  qui  hunc  fructum  agnoverunt  et  perceperunt.  Exprimit  autem  de  incredulis  qui  eundem  ipsi  hunc  nuncium  1)  Quemnam  Pauli  locum  autor  laudare  voluerit  tam  veteres  editores  ignorarunt,  neque  ullum  margmi  adscribunt.  Fortasse  de  1  Tim.  3,  16  cogitamt.  2)  Ed.  1542  mendose:  Sed  incredulcsque  gratiae.