29:185  185  SUR  LE  DEUTER  CHAP.  XXXIII.  186  que  si  encores  elle  le  fait,  c'est  si  lasehement  que  rien  plus:  on  trouvera  tousiours  la  faute  en  ce  que  les  biens  de  ce  monde  nous  retarderont  de  suyvre  le  bien  auquel  Dieu  nous  appelle.  Or  ici  au  contraire  il  est  dit,  qu'alors  nous  serons  approuvez  de  Dieu  en  l'usage  de  ses  benefices,  quand  nous  serons  son  peuple,  quand  nous  cercherons  a  faire  iustice  et  iugement,  c'est  a  dire,  que  nous  ne  prendrons  point  ceste  couverture,  que  nous  sommes  empeschez,  que  nous  n'y  avons  peu  entendre:  comme  nous  voyons  ces  subterfuges  frivoles,  que  l'un  alleguera:  I'ay  achete  un  paire  de  boeufs,  i'ay  achete  une  metairie:  que  l'autre  dira:  I'ay  prins  femme,  et  estant  marie  ie  ne  puis  pas  aller  la  ou  Dieu  m'appelle.  Quand  donc  nous  cognoistrons  que  ce  sont  autant  d'empeschemens  pour  nous  que  les  benefices  de  Dieu,  qui  de  leur  nature  nous  devroyent  estre  esperons  pour  nous  picquer,  afin  que  nous  vinssions  a  luy  d'une  affection  tant  plus  ardente:  que  nousnous  efforcions  tant  plus  vertueusement,  pour  surmonter  tout  ce  qui  nous  empesche  et  retarde.  Au  reste,  quand  il  est  parle  de  iustice  et  de  iugement,  notons  que  c'est  pour  la  conqueste  du  pays.  Mais  Moyse  appelle  cela  iustice  de  Dieu  et  son  iugement,  selon  la  forme  commune  de  l'Escriture  saincte:  car  ces  mots  ici  signifient  la  reigle  que  Dieu  nous  donne.  Et  c'est  encores  un  poinct  notable.  Car  quelque  fois  d'un  mot  nous  pouvons  tirer  bonne  doctrine.  Ce  n'est  pas  sans  raison  que  le  S.  Esprit  use  de  ces  mots  tant  excellens,  pour  dire,  obeir  a  Dieu,  qu'on  dise,  faire  la  iustice  de  Dieu,  ou  faire  son  iugement.  Oar  par  cela  il  monstre,  que  cependant  que  les  hommes  se  gouverneront  a  leur  phantasie,  qu'ils  vont  a  tors  et  a  travers,  qu'il  n'y  a  nulle  droicture  en  eux.  Il  est  vray  qu'ils  se  feront  accroire  que  leur  vie  est  bien  reiglee,  qu'il  n'y  a  que  mordre:  car  chacun  se  plaist  en  sa  phantasie,  comme  dit  Salomon  :  mais  cependant  voici  Dieu  qui  prononce  du  ciel,  qu'il  n'y  a  autre  droicture  sinon  celle  dont  Dieu  est  autheur,  il  n'y  a  autre  iustice:  bref  que  nous  ne  faisons  qu'errer,  que  nous  sommes  comme  bestes  esgarees,  si  nous  ne  sommes  fondez  sur  la  parolle  de  Dieu.  Or  naintenant  regardons  comment  le  monde  s'est  acquitte  de  ceci.  Car  il  est  tant  difficile  que  rien  plus  de  nous  retenir  sous  l'obeissance  de  Dieu:  que  nous  ne  nous  flattions  point  pour  inventer  ceci  et  cela.  Car  quoy  qu'il  en  soit,  ceci  ue  pourra  iamais  estre  change,  c'est  assavoir  que  nous  obeissons  a  Dieu,  quand  nous  ferons  iustice  et  iugement.  Et  en  suyvant  nos  phantasies,  nous  tenons  des  chemins  tortus  et  obli��  ques:  bref  nous  ne  ferons  que  tracasser  ca  et  la  sans  nous  advancer.  Et  mesmes  ceste  circonstance  merite  bien  d'estre  notee.  Car  de  prime  face  on  ne  diroit  pas  que  ce  fust  iustice  et  iugement  de  s'en  aller  tout  tuer.  Car  voila  a  quelle  condition