27:185  185  SUR  LB  DEUTER.  CHAP.  XII.  186  institution.  Iesus  Christ  a  ordonne  que  le  pain  et  le  vin  se  distribuent  entre  les  fideles.  Or  ce  sera  assez  qu'un  ie  prenne  a  part,  et  qu'il  mange  tout:  et  encores  une  fois  Tan,  quand  le  peuple  ira  pensant  communiquer  a  la  Cene,  qu'il  se  contente  d'une  partie,  et  que  l'autre  soit  reservee:  et  puis  qu'il  n'y  ait  nulle  declaration  de  la  parolle  de  Dieu:  qu'on  dise:  Ie  m'en  vay  recevoir  Dieu,  et  qu'il  y  ait  un  charme,  et  une  sorcellerie  pour  consacrer  le  pain  et  le  vin.  Voila  comme  ils  se  sont  fierement  destournez  de  l'intention  de  Iesus  Christ,  tellement  qu'ils  n'eussent  peu  batailler  contre  luy  avec  plus  grande  violence.  Or  quand  nous  voyons  ces  choses,  cognoissons  la  grace  que  Dieu  nous  a  faite  en  nous  retirant  de  telles  confusions:  et  cependant  notons,  que  ce  n'est  point  sans  cause  que  Dieu  a  tant  insiste  la  dessus,  que  le  peuple  ne  se  gouvernast  point  a  sa  phantasie.  Et  pourquoy?  Car  nous  voyons  que  c'est  des  hommes  quand  ils  s'esgarent,  comme  ils  desguisent  la  verite,  et  que  leurs  mensonges  sont  infinis  depuis  qu'ils  se  sont  permis  une  telle  licence.  Advisons  donc  de  nous  retenir,  voire  quand  Dieu  nous  aura  donne  repos  de  nos  ennemis,  et  que  nous  habiterons  en  lieu  ou  nous  le  pourrons  purement  adorer,  que  nous  gardions  la  simplicite  qu'il  nous  commande,  et  qu'il  approuve  par  sa  parolle,  sans  en  decliner  tant  peu  que  ce  soit:  car  nous  avons  aussi  besoin  de  nous  tenir  bien  loin  de  toutes  corruptions,  si  nous  avons  delibere  d'obeir  a  nostre  Dieu.  Et  pourquoy?  C'est  un  terrible  abysme  que  l'esprit  de  l'homme.  Et  puis  chacun  attire  son  prochain  en  erreur.  C'est  donc  un  labyrinthe  qui  se  forge  incontinent,  ou  il  n'y  a  nulle  issue:  sinon  que  ce  qui  est  dit  ici  s'observe,  c'est  qu1  on  ne  face  point  chacun  selon  que  bon  luy  semblera.  Et  notons  que  par  ce  mot  aussi  toutes  nos  intentions  (qu'on  appelle)  sont  condamnees,  encores  qu'elles  nous  semblent  bonnes:  car  nous  ne  sommes  pas  iuges  competans,  il  faut  que  Dieu  declaire  ce  qu'il  trouve  bon:  et  si  nous  trouvons  de  nostre  coste  quelque  raison  apparente,  tout  cela  ne  sera  que  fumee.  Et  ainsi  donc  d'autant  que  Dieu  ici  oppose  directement  sa  parolle,  et  le  tesmoignage  de  sa  volonte  a  toutes  nos  devo��  tions,  et  a  tout  ce  que  bon  nous  semble,  cognoissons  qu'il  ne  nous  est  point  licite  de  suyvre  ce  que  nous  aurons  trouve  bon:  car  tout  cela  n'est  rien:  mais  il  faut  que  tout  le  service  que  nous  rendons  a  Dieu,  soit  fonde  sur  sa  parolle,  et  sur  sa  verite  infallible.  Sans  cela  nous  ne  faisons  que  bastir  en  l'air,  c'est  a  dire,  ce  ne  sont  que  toutes  resveries  de  nostre  cas.  Or  derechef  Moyse  adiouste  ce  qu'il  avoit  desia  dit  des  sacrifices,  des  holocaustes,  des  oblations  volontaires,  des  voeus,  et  des  dismes,  que  tout  cela  se  rende  au  lieu  que  Dieu  avoit  choisi  de  Tune  des  lignees.  Ceci  n'a  pas  este  si  tost  accompli