15:185  185  1554  IUL.  186  suademus,  quatenus  vos  in  vestrae  fidei  confessione  tolerare  volunt.  Neque  haec  tamen  ita  a  vobis  accipi  volumus  nt  horum  quae  recensuimus  omnium  hospitem  istic  ecclesiam  eiusque  ministros  per  nos  accusari  putetis.  Nos  tantum  commemoramus  quae  istinc  ad  nos  sunt  prolata  et  quae  alibi  ipsimet  experti  sumus:  et  quidem  apud  eos  qui  eandem  doctrinam  et  eosdem  ritus  cum  hospite  istic  ecclesia  retinent  ac  propugnant.  Optamus  interim  vana  esse  quae  istinc  audimus,  atque  utinam  vos  ipsi  vana  esse  comperiatis.  Postremo  autem  nescimus  an  pro  privatis  istic  hospitis  ecclesiae  membris  habendi  sitis,  si  peculiarem  vestram  ecclesiam  instituatis.  Sane  ecclesia  institui  non  potest  sine  publico  suo  ministerio  eiusque  ministris,  sine  publico  item  ac  peculiari  coetu  suo,  ut  vos  quidem  eum  istic  propter  linguae  varietatem  instituere  velletis.  At  vero  hoc  non  est  ita  yos  hospiti  ecclesiae  velle  adiungere  ut  pro  privatis  duntaxat  illius  membris  habeamini,  sed  est  potius  publicam  istic  eamque  peculiarem  societatem  publioumque  illius  ministerium  ordiri,  cuius  equidem  nomine  et  ministri  vestri  omnes  et  coetus  adeo  vester  universus  non  tam  privato  iam  amplius  quam  publico  potius  loco  habendus  erit,  vestraque  ratio  longe  iam  alia  est  procul  dubio  futura  in  recipiendis  per  vos  receptis  istic  ritibus,  qui  talia  praesertim  praeiudicia  secum  coniuncta  habeant,  quam  futura  alioqui  esset  si  pro  privatis  duntaxat  hospitis  istic  ecclesiae  membris  habendi  essetis.  Sed  quemadmodum  et  ecclesiae  ipsae  et  pastores  earum  inprimis  ubique  omnes  in  culpa  haereant  necesse  est  neglecti  sui  officii,  si  non  modis  omnibus  pro  sua  virili  aspirent  ad  apostolicam  puritatem  abususque  omnes,  quod  in  ipsis  est,  tollere  non  conentur,  qui  praesertim  non  tantum  remorantur  ecclesiarum  aedificationem,  sed  et  lucem  ipsam  evangelii  etiam  non  leviter  obscurant  atque  adeo  gravant  etiam  cum  antichristianae  impietatis  elevatione  atque  etiam  excusatione:  ita  neque  vos  iam  istic  cum  coetu  vestro,  ministris  vestris,  eadem  ipsa  culpa  carere  poteritis  omnino,  si  quae  ab  aliis  in  ipsorum  ecclesiis  tollenda  esse  putatis  ea  vos  ipsimet  in  instituenda  vestra  ecclesia,  in  qua  alioqui  ea  omnia  abolita  iam  pridem  fuisse  scitis,  amplectenda  denuo  esse  existimetis.  Locorum  mutatio  non  mutat  ecclesiam,  nedum  ut  vos  vestram  ecclesiam  ita  istic  instituere,  quasi  non  antea  iam  inter  nos  exstiterit,  ac  non  potius  uno  loco  dissipatam  divina  promissione  alio  rursum  loco  restituere  existimetis,  aut  non  idem  prorsus  vestrum  istic  officium  esse  putetis,  propterea  quod  peregrini  novique  adeo  homines  essetis,  in  restituenda  vestra  ecclesia,  quod  alias  fuisse  agnoseebatis,  quum  una  in  Anglia  pariter  nostras  ecclesias  divino  beneficio  veluti  domi  nostrae  haberemus.  Domi  est  iam  pastor  quilibet,  fratres  carissimi,