10.1:185  CONSILIA.  heures  1)  pour  le  dicter  estant  desia  batu  d'un  eatarrhe  qui  me  rend  plus  pesant  et  tardis.  Si  donc  quelquun  qui  ait  eu  charge  daines  soit  Evesque  ou  Cure  est  touche  de  Dieu  pour  se  renger  a  suyvre  la  pure  doctrine  de  l'Evangile,  quand  il  ne  sera  capable  dexercer  l'office,  n'ayant  point  le  scavoir  et  dexterite  denseignor,  ce  seroit  trop  grande  temerite  a  luy  de  sen  vouloir  mesler.  Parquoy  le  fruit  de  sa  conversion  sera  de  sen  deporter,  cognoissant  que  c'a  este  un  abus  trop  lourd  de  porter  un  tiltre  sans  effect.  Et  par  ce  moyen  il  faudra  quil  cede  et  quite  le  lieu  a  un  successeur  qui  se  tiendra  idoine  et  sera  deument  ordone  se  contentant  destre  receu  au  trouppeau  comme  brebis.  Si  quelque  Evesque  ou  Cure  avoit  grace  et  doctrine  pour  exercer  l'office  et  quil  s'y  voulust  appliquer,  il  sera  requis  devant  toute  chose  quil  fasse  confession  de  sa  foy  et  proteste  d'adherer  a  la  pure  et  simple  religion:  secondement  qu'il  confesse  que  sa  vocation  a  este  abusive  auparavant:  ainsi  qu'il  demande  d'estre  approuve  de  nouveau:  et  notamment  qu'il  desavoue  ce  qu'il  a  este  institue  par  l'authorite  papale  et  renonce  a  tous  autres  moyens  illicites  et  contrevenans  a  l'ordre  que  nostre  Seigneur  Iesuchrist  a  establi  en  son  eglise.  Cela  fait  ie  ne  voy  point  quon  doive  faire  difficulte  de  le  recevoir  a  condition  qu'il  tienne  promesse  et  s'aquite  fidelement  de  son  devoir:  mesme  qu'il  se  ioigne  a  la  compagnie  des  Ministres  qui  preschent  purement  la  Parole  de  Dieu,  et  se  submette  a  la  discipline  et  police  qu'ils  ont  et  gardent.  Ce  pendant  que  tout  le  temps  passe  soit  enseveli  et  que  toutes  les  fautes  luy  soient  remises:  sinon  qu'on  l'exhorte  pour  le  temps  a  venir  de  se  porter  comme  il  doit.  Si  on  allegue  la  Regle  de  S.  Paul  que  l'Evesque  quon  elit  doit  estre  irreprehensible:  ie  respons  qu'il  n'est  pas  ici  question  a  mon  advis  d'une  election  simple,  mais  d'une  approbation,  pour  remetre  en  son  entier2)  ce  qui  avoit  este  corrumpu.  Car  que  teles  gens  ont  eu  le  tiltre  et  degre  de  pasteur  a  leur  condamnation,  aussi  quand  ils  s'offrent  a  s'aquiter  de  leur  devoir  ce  quils  ont  mal  usurpe  pour  un  temps  leur  peut  bien  estre  accorde  par  l'Eglise.  Il  y  a  deux  vices  en  leur  estat:  Lung  qu'ils  n'ont  pas  este  introduits  par  voye  legitime,  lautre  qu'ils  se  sont  degradez  en  n'exercant,  3)  point  leur  commission.  Mais  cela  n'empesche  point,  quand  ils  sont  prests  de  se  reunir  a  la  vraye  Eglise,  qu'on  ne  les  tiene  pour  ministres  ordinaires  :  et  ainsi  qu'ils  soyent  comme  de  nouveau  confermez  pour  corriger  le  defaut  qui  y  a  este.  1)  deux  heures  B.  (summae  temporis  angustiae).  2)  restitutio  ad  certum  muuus.  3)  n'executant.  JB.