9:184  noctua  solis  radios  non  cernat,  solem  ideo  non  esse  lucidum.  Itaque  simpliciter  tenendum  esse  quod  verba  sonant:  Hoc  est  corpus  meum.  Atqui  hoc  totum  non  minus  frivolum  [pag.  127]  esse,  quam  plausibile  esse  putarunt,  ubi  tria  verba  dixero,  mox  facile  liquebit.  Acquiescendum  esse  Christi  verbis  optime  inter  nos  convenit,  modo  de  genuino  eorum  sensu  constet.  De  eo  ubi  quaeritur,  nullam  interpretationem  admittunt  literales  magistri.  Facessat  hic  omnis  vafrities,  modo  quaerere  nobis  liceat  quid  voluerit  Christus  :  maneant  ipsissima  verba,  modo  ne  rapiantur  sine  iudicio.  Quemadmodum  si  quis  oculos,  aures,  manus  et  pedes  Dei  se  in  scripturis  reperire  clamitans,  Deum  velit  facere  corporalem.  Nec  vero  Christi  verbis  assuimus  extraneas  glossas,  sed  tamen  ex  communi  receptoque  bcripturae  usu  diiudicari  volumus  quid  valeat  hic  sermo:  Hoc  est  corpus  meum.  Nec  vero  reconditum  mysterium  coenae  metimur  carnis  nostrae  sensu,  sed  modesta  piaque  docilitate  discere  cupimus  quid  nobis  Christus  promittat.  Interim  si  sacramentalem  loquendi  formam  aptamus  fidei  regulae,  non  propterea  sol  lucere  desinet.  [pag.  128]  Quod  pro  quarta  ratione  adducunt  Magdeburgenses,  sicuti  verum  esse  fateor,  ita  ad  rem  quidquam  facere  nego.  Non  tractat  Christus  ex  instituto  parabolam.  Quis  hoc  unquam  dixit?  Sed  neque  parabolam  tractat  Paulus  ubi  dicit  petram  fuisse  Christum.  Neque  ubicunque  de  sacramentis  agitur,  dicimus  referri  parabolas,  sed  modos  dicendi  esse  sacramentales,  quibus  exprimi  debet  inter  rem  et  signum  analogia.  Quod  addunt,  hoc  ipsum  agere  Christum  quod  verbis  ostendit,  et  sancire  quod  agit,  libenter  recipio:  sed  inde  perperam  inferent  non  esse  mysterium,  cui  conveniant  sacramentales  loquendi  formae.  Neque  si  Dominus  in  parabolis  loquutus  non  est,  quum  discipulos  admonuit  de  suo  ad  patrem  ascensu,  ideo  sequitur  panem  non  esse  symbolum  corporis.  In  quinta  ratione  idem  quod  hactenus  dixerant  rursus  inculcant,  se  verbis  simplicibus  inniti,  eaque  opponere  non  hominum  [pag:  129]  modo  sed  angelorum  sapientiae:  quia  iubemur  coelesti  oraculo  filium  Dei  audire.  Maligne,  nec  minus  improbe  Christi  autoritatem  nobis  obiiciunt,  quasi  a  pura  germanaque  eius  doctrina  nobis  vel  minimum  deflectere  propositum  sit,  qui  non  minus  re  ipsa  semper  demonstravimus  quidquid  ex  sacro  Domini  ore  prodiit  nos  reverenter  excipere,  quam  ipsi  verbis  iactant.  Sit  ergo  nobis  filius  Dei  absque  controversia  summus,  perfectissimus  et  unicus  magister:  in  cuius  doctrina  verbum  vel  syllabam  mutare  fas  non  sit.  Sed  non  impedit  fidei  obedientia,  quo  minus  ad  sanam  verborum  cius  intelligentiam  attenti  simus.  Quam  multi  enim  exstant  eius  sermones,  quorwm  non  aliter  lenitur  asperitas,  quam  eos  dextre  et  com-