51:184  lorem  vel  lumen  auferre.  Fateor  quidem,  pro  modo  fidei  in  aliis  exiguam,  in  aliis  maiorem  esse  fiduciam:  nusquam  tamen  reperietur  fides  sine  his  effectis  aut  fructibus.  Proinde  argumentum  erit  certissimum  vel  infidelitatis,  vel  fidei  conscientia  trepida  et  vacillans  ob  dubitationem:  vel  secura,  constans  et  invicta  adversus  inferorum  portas.  Haec  sancta  est  praesumptio  (ut  loquuntur),  dum  freti  Christo  mediatore,  certo  acquiescimus  in  paterno  Dei  amore:  certo  nobis  audemus  vitam  aeternam  polliceri,  nec  mortem,  nec  inferos  expavescimus.  Observandum  etiam  quod  dicit  a  d  i  t  um  in  fiducia.  Nam  in  hoc  differunt  ab  impiis  filii  Dei,  quod  quum  illi  quietem  in  Dei  oblivione  reponant,  nec  unquam  bene  habeant,  nisi  quum  longissime  a  Deo  recedunt:  hi  pacem  habent  cum  Deo,  et  alacriter  libenterque  ad  jeum  accedunt.  Colligimus  praeterea  ex  hoc  loco,  requiri  in  vera  invocatione  fiduciam:  adeoque  hanc  clavem  esse  quae  nobis  ianuam  regni  coelestis  reserat.  Nam  qui  huc  et  illuc  alternant  haesitando,  nunquam  exaudientur,  ut  inquit  Iacobus  (1,  6).  Proinde  sorbonici  sophistae  quum  haesitare  praecipiant,  nesciunt  quid  sit  Deum  invocare.  13.  Quare  peto  ne  deficiatis.  Iam  vides  quorsum  prius  fecerit  mentionem  vinculorum  :  ne  scilicet  debilitarentur  animis,  audita  eius  persequutione.  O  pectus  heroicum,  quod  ex  carcere  et  morte  ipsa  suggerebat  aliis  consolationem,  qui  extra  periculum  erant.  Afflictiones  se  pro  Ephesiis  sustinere  commemorat,  quia  cedebant  in  piorum  omnium  aedificationem.  Quanta  enim  fidei  confirmatio  inde  populo  accedit,  quum  vitae  propria  iactura  doctrinam  suam  pastor  sancire  non  dubitat?  Quare  etiam  addit,  quae  est  g  l  o  r  i  a  t  i  o  vestra.  Nam  ita  illustrabatur  eius  praedicatio,  ut  ecclesiae  omnes,  in  quibus  docuerat,  merito  gloriarentur  se  fidem  habere  optimo  pignore  comprobatam.  14.  Huius  rei  gratia  flecto  genua  ad  patrem  Domini  nostri  Iesu  Christi,  15.  ex  quo  omnis  cognatio  in  coelis  et  super  terram  nominatur,  16.  ut  det  vobis  secundum  divitias  gloriae  suae  potentia  roborari  per  spiritum  suum  in  hominem  interiorem,  YI.  ut  inhabitet  Christus  per  fidem  in  cordibus  vestrisy  ut  sitis  in  caritate  radicati  et  fundati,  18.  quo  valeatis  comprehendere  cum  omnibus  sanctis  quae  sit  latitudo,  et  longitudo,  et  profunditas,  et  altitudo:  19.  cognoscere,  inquam,  dilectionem  Christi  quae  cognitionem  exsuperat:  ut  completi  sitis  in  omnem  plenitudinem  Dei.  14.  Huius  rei.  Preces  pro  illis  suas  commemorat,  non  tantum  sui  erga  illos  affectus  testandi  causa,  sed  etiam  ut  similiter  ipsi  quoque  precentur*  Frustra  enim  omnis  doctrina  spargitur,  nisi  Dominus  sua  benedictione  eam  fecundet.  Discant  ergopastores  exemplo  Pauli,  non  tantum  admonere  et