5:184  inter  communes  et  primas  animi  conceptiones,  quae  a  natura1)  communiter  apprehenduntur.  Tametsi  iam  multis  rationibus  pugnatum  est,  quae  evincere,  nisi  fallor,  debuerunt  quod  contendebant:  nempe,  animam  aut  spiritum  hominis,  substantiam  esse  a  [fol.  7]  corpore  distinctam:  quae  tamen  nunc  subiicientur,  certiorem  adhuc  eius  rei  fidem  facient.  Venio  enim  ad  id,  quod  secundo  loco  a  me  propositum  erat:  Eam  ipsam  animam  ab  interitu  corporis  superstitem  manere,  sensu  ac  intelligentia  praeditam.  Fallitur  autem  qui  existimat  me  hic  aliud  quidpiam  affirmare,  quam  animae  immortalitatem.  Si  quidem  qui  animam  vivere  fatentur,  illamque  simul  omni  sensu  spoliant,  prorsus  animam  fingunt,  quae  nihil  animae  habeat:  aut  animam  ipsam  a  se  ipsa  avellunt:  quum  eius  natura,  sine  qua  consistere  ullo  modo  nequit,  sit  moveri,  sentire,  vigere,  intelligere:  atque  (ut  ait  Tertullianus)2)  animae  anima,  sensus  sit.  Istam  ergo  immortalitatem  ex  scriptura  discamus.  Quum  Christus  suos  hortatur,  ne  timeant  eos  qui  occidunt  corpus,  animam  autem  occidere  non  possunt;  sed  eum  timeant,  qui  quum  occiderit  corpus,  animam  potest  mittere  in  gehennam  ignis  (Matth.  10,  28;  Luc.  12,  5):  an  non  innuit  animam  superesse  post  mortem?  Benigne  vero  in  eo  nobiscum  egit  Deus,  quod  animas  nostras  istorum  arbitrio  non  permisit,  qui  adeo  ex  facili  eas  trucidant:  aut  certe,  quia  non  possunt,  conantur.  Tyranni  torquent,  secant,  urunt,  verberant,  suspendunt,  sed  corpus:  solus  est  Deus,  qui  ius  habet  in  animam,  ut  eam  mittat  in  gehennam  ignis.  Aut  igitur  anima  reliqua  est  post  mortem:  aut  falsum  est,  tyrannis  potestatem  non  esse  in  animam.  Hic  (ut  audio)  respondent,  animam  quidem  ad  praesens  occidi,  dum  mors  infligitur:  sed  non  perire,  quia  futurum  est,  ut  suscitetur.  Qua  via  si:i)  evadere  volunt,  concedant  oportet  neque  corpus  occidi,  quod  etiam  suscitabitur.  Et  quia  utrumque  conservatur  in  diem  iudicii,  neutrum  perit.  Verbum  autem  Christi  fatetur  corpus  occidi,  animam  esse  salvam  testatur.  Hac  dicendi  forma  Christus  utitur  de  sua  ipsius  morte,  quum  ait:  Solvite  templum  hoc,  et  in  triduo  suscitabo  illud  (loann.  2,  19).  Dicebat  autem  de  templo  corporis  sui:  qua  ratione  animam  ab  eorum  potestate  eximit,  quam  etiam  moriens  in  manus  patris  commendat,  ut  Lucas  scribit  et  David  praedixerat  (Luc.  23,  4t>;  Psal.  31,  6).  Et  Stephanus  (Act.  7,  59)  eius  exemplo:  Do-  1)  Sic  1545.1563.  Vrinceps  nostra  mendose  scribit:  natura  a.  Mecentiores  1576  seqq.  omittunt  praepositionem.  Quibuscum  consentire  vtdetur  Gallus  qui  habet:  lesquelles  on  apprehende  commimement  de  natiire.  2)  Lib.  de  carne  Christi.  3)  Si,  omittunt  1552  seqq.  Versio  galhca  exprimit:  S'ils  veulent  eschapper.