30:184  et  praedicat.  Verum  enimvero  quam  non  sua  industria,  non  consilio,  non  viribus  erat  adeptus  :  sed  quam  uni  Deo  debebat,  et  pro  qua  singulis  momentis  agere  gratias  eum  oportebat,  et  sibi  conscium  prioris  vitae  tanto  abiectiorem  et  dociliorem  esse,  et  latebras  potius  quam  lucem  quaerere.  Quantus  enim  pudor  est  eum  dignitate  regia  gloriari  et  efferri,  et  pascua  exprobrare,  cuius  antea  vitae  conditio  Davidis  fuit  simillima?  Nae  Dei  beneficiorum  obliviscitur,  quae  tamen  ipsi  deinceps  magno  constabunt.  Et  sane  ea  est  hominum  corruptio,  ut  variis  dotibus  exornati  sic  efferantur,  ut  nunquam  deiici  coram  Domino  discant,  nisi  magnis  et  crebris  ictibus  contundantur,  et  confusione  involvantur.  Iam  vero  agite,  ete.  HOMILIA  LX.  CAP.  xVii.  1.  Congregantes  autem  Philistiim  agmina  sua  in  praelium,  convenerunt  in  Socho  Iudae:  et  castrametati  sunt  inter  Socho  et  Azecha  in  finibus  Dommim.  2.  Porro  Saul  et  filii  Israel  congregati  venerunt  in  vallem  Terebinthi,  et  direxerunt  aciem  ad  pugnandum  contra  Philistiim.  3.  Et  Philistiim  stabant  supra  montem  ex  parte  hac:  et  Israel  stabat  supra  montem  ex  altera  parte:  vallisque  erat  inter  eos,  4.  Et  egressus  est  inter  duas  acies  de  castris  Philisthinorum  nomine  Goliath,  de  Geth,  altitudinis  sex  cubitorum  et  palmi.  5.  Et  cassis  aerea  super  caput  eius:  et  lorica  squamata  induebatur:  porro  pondus  loricae  eius,  quinque  millia  siclorum  aeris  erat.  6.  Et  ocreas  aereas  habebat  in  cruribus:  et  clypeus  aereus  tegebat  humeros  eius.  7.  Hastile  autem  hastae  eius  erat  quasi  liciatorium  texentium:  ipsum  autem  ferrum  hastae  eius  sexcentos  siclos  habebat  ferri:  et  armiger  eius  antecedebat  eum.  8.  Stansque  clamabat  adversum  phalanges  Israel,  et  dicebat  eis:  Quare  venistis  parati  ad  praelium?  numquid  ego  non  sum  Philistaeis,  et  vos  servi  Saul?  Eligite  ex  vobis  virum,  et  descendat  ad  singulare  certamen.  9.  Si  qitiverit  pugnare  mecum,  et  percusserit  me,  erimus  vobis  servi:  si  autem  ego  praevaluero,  et  percussero  eum,  vos  servi  eritis,  et  servietis  nobis.  10.  Et  aiebat  Philistaeis:  Ego  exprobravi  agminibus  Israel  hodie:  Date  mihi  virum,  et  ineat  mecum  singulare  certamen,  ll.  Audiens  autem  Saul,  et  omnes  Israelitae  sermones  Philistaei  huiuscemodi  stupebant  et  metuebant  nimis.  Hesterna  concione  Saulis  iactationem  et  ostentationem  vidimus,  quum  Davidem  a  patre  postulans,  dixit,  velle  ad  se  mitti  eum  qui  erat  in  pascuis,  ut  in  aulam  reciperetur.  Etsi  vero  coram