29:184  reigler,  nous  n'aurons  point  tesmoignage  de  sa  volonte:  que  tout  ce  que  nous  pourrons  alleguer  sera  frivole.  Et  pourquoy?  Nous  ne  sommes  pas  mis  en  ce  monde,  sinon  pour  faire  hommage  a  Dieu  de  nostre  vie.  Or  si  nous  le  voulons  servir  sans  feintise,  il  faut  que  cela  se  monstre  en  l'obeissance  que  nous  rendons  a  sa  parolle.  Voila  donc  en  somme  ce  que  nous  avons  a  recueillir  de  ce  passage.  Or  il  est  dit  qu'il  suyvra  les  Princes  d'Israel  pour  faire  la  iustice  de  Dieu  et  son  iugement.  Par  ceci  Moyse  monstre  que  Gad  ne  sera  point  destourne  par  les  commoditez  qu'il  avoit:  car  il  avoit  desia  prins  certain  domicile,  il  estoit  en  lieu  de  repos  :  toutesfois  qu'il  ne  laissoit  point  d'aller,  pour  souffrir  froid  et  chaut,  pour  coucher  sur  la  dure,  (comme  on  dit)  pour  suyvre  la  guerre,  pour  s'exposer  a  tout  danger,  pour  souffrir  tous  les  travaux  et  toutes  les  peines  de  la  guerre:  puis  qu'il  ne  laissoit  point  de  servir  a  Dieu  en  sa  vocation,  voila  en  quoy  il  est  excuse.  Or  nous  avons  a  recueillir  un  bon  advertissement  de  ce  passage:  c'est  qu'alors  nous  pourrons  iouyr  des  advantages  que  Dieu  nous  fait,  quand  nous  ne  serons  point  retenus  de  nous  acquitter  de  nostre  devoir,  et  de  nous  employer  fidellement  en  ce  qu'il  nous  ordonne:  et  encores  qu'une  chose  nous  soit  licite,  si  est-ce  que  nous  en  abusons,  quand  nous  sommes  retardez  de  cheminer  la  ou  nostre  Seigneur  nous  monstre.  Et  en  ceci  voyons-nous  qu'il  y  en  a  bien  peu  auiourd'huy  qui  ne  soyent  coulpables  de  pervertir  le  vray  et  droit  usage  de  tous  les  biens  que  Dieu  leur  fait.  Nous  pourrons  bien  dire  que  nous  n'avons  point  desrobe,  nous  possederons  ce  que  Dieu  nous  a  donne  par  iuste  moyen  :  mais  cependant  qui  est  celuy  qui  ne  soit  par  trop  occupe  de  sollicitudes  terriennes,  quand  il  aura  des  biens  et  des  possessions?  quiest  celuy  qui  ne  s'y  plonge  par  trop,  et  qui  n'y  soit  trop  arreste?  qui  est  celuy  qui  n'y  soit  adonne  tellement,  qu'il  ne  pense  plus  a  la  vie  celeste?  On  en  voit  tant  qui  sont  refroidis  quand  Dieu  leur  a  donne  des  biens:  les  autres  sont  quasi  du  tout  stupides.  Et  des  riches,  combien  en  trouvera-on  qui  soyent  disposez  de  s'adonner  du  tout  a  Dieu?  Mais  on  les  voit  estre  retenus  de  liens  et  de  cordeaux,  qu'ils  ne  sauroyent  point  marcher  un  pas  pour  aller  droit,  d'autant  que  les  biens  les  empeschent.  Et  mesmes  la  on  voit  une  condamnation  manifeste:  qu'il  ne  faut  point  cercher  d'excuse  pour  faire  bouclier  devant  Dieu.  Bref,  si  tost  que  Dieu  nous  donne  quelque  avantage  en  ce  monde,  ou  quelque  commodite,  nous  sommes  comme  attachez  ici  bas,  et  reculons  de  luy,  au  lieu  d'en  approcher:  nous  ne  pouvons  point  marcher  un  seul  pas  pour  alkraluy,  nous  sommes  tant  lasches  a  nostre  office  que  c'est  pitie.  Et  nous  voyons  qu'a  grand'  peine  ia  centiesme  partie  se  delibere-elle  de  suyvre  Dieu: