27:184  Iesus  Christ.  Avons-nous  cela?  Il  nous  faut  contenter:  car  Dieu  eust  bien  adiouste  plus  s'il  eust  voulu:  mais  il  ne  l'a  point  voulu  faire.  Ainsi  voila  une  bride  a  laquelle  il  nous  faut  tenir  suiets,  pour  estre  recueillis  a  Dieu:  autrement  il  ne  nous  pourra  pas  manier.  Maintenant  qu'ont  fait  les  Papistes?  Or  ceste  simplicite  du  Baptesme  ne  leur  a  pas  pleu:  il  a  fallu  adiouster  ceci  et  cela  a  leur  phantasie.  Comment?  qu'on  mette  de  l'eau  seulement:  et  que  sera-ce?  Voire,  mais  Dieu  l'a  ainsi  ordonne,  Iesus  Christ  qui  est  la  sagesse  infinie  de  Dieu  son  Pere  l'a  ainsi  establi.  Il  est  dit  que  Dieu  a  parle  a  nous  par  sa  bouche  pour  le  dernier  coup,  et  qu'il  nous  faut  tenir  a  ce  qu'il  a  dit.  Or  il  a  institue  le  Baptesme  seulement  en  eau.  Or  il  faut  avoir  un  cierge  (disent  les  Papistes)  pour  representer  le  sainct  Esprit:  il  faut  avoir  du  sel,  pour  signifier  la  sagesse  celeste,  et  les  graces  de  Dieu:  il  faut  ceci,  il  faut  cela,  et  en  la  fin  ii  faut  cracher  pour  faire  parler  les  petits  enfans,  et  les  muets,  et  des  moqueries  de  Dieu  qui  sont  si  absurdes,  que  c'a  este  pour  exposer  en  opprobre  la  Chrestiente  tant  aux  Iuifs  qu'aux  Turcs:  et  lo  Diable  s'en  est  ainsi  ioue,  quand  le  monde  a  este  abruti  en  telle  sorte.  Nous  voyons  donc  comme  les  Papistes  ont  viole  et  transgresse  cest  ordre  de  Dieu,  en  adioustant  ainsi  a  ce  qu'il  avoit  constitue  pour  certain,  et  en  telle  mesure  qu'il  ne  vouloit  point  qu'on  l'outrepassast.  Or  il  y  a  eu  encores  un  outrage  beaucoup  plus  enorme  en  la  saincte  Cene.  Car  la  nostre  Seigneur  Iesus  Christ  nous  a  declaire  qu'il  vouloit  que  toute  nostre  fiance  s'arrestast  en  luy:  d'autant  que  nous  sommes  repeus  de  sa  substance,  qu'il  ne  faut  point  cercher  nostre  vie  ailleurs  qu'en  luy,  qu'il  ne  nous  faut  point  manger  la,  et  aller  boire  autrepart:  mais  que  nous  y  sommes  rassasiez  pleinement  en  nos  ames,  que  nous  avons  toute  perfection  de  bien  en  luy.  Voila  qu'il  nous  monstre  par  sa  saincte  Cene,  et  veut  que  nous  prenions  ie  pain  et  le  vin  en  tel  tesmoignage,  et  qu'il  soit  distribue  entre  nous,  afin  que  nous  soyons  unis  en  luy,  pour  estre  membres  de  son  corps.  Or  au  contraire  on  est  venu  dresser  ceste  abomination  de  Messe,  et  a-on  voulu  sacrifier  Iesus  Christ.  Et  a  quel  propos?  Car  il  n'a  pas  entendu  qu'on  usurpast  son  office,  tel  qu'il  luy  est  attribue  en  l'Escriture  saincte:  il  s'est  offert  une  fois,  et  voici  les  hommes  qui  ont  entreprins  de  lo  contrefaire:  comme  ils  disent  que  c'est  un  mesme  sacrifice.  Mais  cependant  ils  sont  des  singcs  do  Iesus  Christ:  car  il  ne  leur  appartient  pas  d'usurper  cest  office  qui  ne  leur  est  point  donne.  Et  puis  ils  vont  tout  brouiller:  et  non  seulement  ils  desguisent  et  falsifient  ce  qui  a  este  institue  par  nostre  Seigneur  Iesus  Christ,  mais  il  semble  qu'ils  vueillent  batailler  furieusement  a  l'encontre  de  son