15:184  Primum  igitur  in  eo  haeremus,  num  doctrina  quae  istic  traditur  sit  una  prorsus  atque  eadem  cum  vestra  adeoque  et  nostra,  denique  et  eorum  ipsorum  qui  ad  vos  scripserunt  fratrum  doctrina,  aut  num  eiusmodi  sint  et  istic  dissidia  doctrinae  ut  eorum  nomine  traducantur,  proscindantur  ac  diris  omnibus  devoveantur  omnes  qui  ab  hospite  vestra  ecclesia  dissentiunt  ullo  modo.  Quod  si  vestra  doctrina  ita  est  invisa  istic,  ut  audimus,  et  alibi  alioqui  invisam  esse  nimium  satis  experti  sumus  (nempe  ut  non  admissis  ullis  omnino  colloquiis  pro  deploratis  haereticis  habendi  sitis,  si  doctrinae  istic  receptae  assentiri  protinus  nolitis),  tum  nos  sane  non  videmus  quo  pacto  istic  tuta  liberaque  vestra  conscientia  incolumique  doctrinae  vestrae  confessione,  non  dico  ecclesiam  vestram  instituere,  sed  privatim  etiam  manere  possitis.  Quo  pacto  enim  ecclesiasticam  eorum  societatem  vel  expetatis,  obsecro,  vel  etiam  agnoscatis  aut  feratis,  qui  vos  audire  non  dignentur  et  diris  mox  omnibus  devoveant,  nisi  illis  protinus  in  condemnanda  vestra  ipsorum  doctrina  assentiamini,  aut  certe  vos  assentiri  simuletis?  Equidem  nihil  dubitamus  aliter  longe  ad  vos  fuisse  scripturos  fratres  illos  communes  nostros,  si  quid  huius  ex  vestris  literis  intellexissent.  Deinde  veremur  etiam  ne  quod  fratres  illi  circa  rituum  varietatem  ad  infirmitatem  quandam  pro  sua  modestia  referunt,  quae  a  vobis  videlicet  perferri  debeat,  id  forte  ad  pertinaciam  potius  cum  mira  quadam  arrogantia  et  gravissimis  praeterea  etiam  praeiudiciis  coniunctam  referri  non  immerito  poasit,  Non  est  infirmitatis  nulla  colloquia  nullasque  admonitiones  admittere  velle,  atque  iis  non  admissis  omnes  prae  se  contemnere  ac  devovere.  Quin  et  in  retinendis  propugnandisque  eiusmodi  ritibus��  quos  verbi  divini  autoritate  non  dico  comprobari  sed  ne  excusari  quidem  ullo  modo  posse  constat,  imo  vero  per  quos  lucem  evangelii  palam  obscurari,  naturam  ac  dignitatem  sacerdotii  Christi  labefactari,  superstitionem  ad  idololatriam  spectantem  ali  et  puriores  ecclesias  in  graves  suspiciones  vocari  videmus,  in  retinendis,  inquam,  ac  propugnandis  cuin  praeiudicio  istiusmodi  sive  istic  sive  alibi  ritibus  nescimus  an  infirmitatis  sit,  nullam  omnino  impuritatem  velle  quoquo  modo  agnoscere,  ac  ne  ferre  quidem  ullo  modo  ut  quisquam  alius  illam  agnoscat^  atque  omnes  adeo  fanatismi  nescio  cuius  publice  condemnare  quicunque  illas  non  perinde  retinerent  ac  propugnarent.  Haec  sane  nobis  extra  omnis  infirmitatis  septa,  quae  a  vobis  quidem  istic  perferri  debeat,  posita  esse  videntur,  neque  vobis  autores  esse  vellemus  ut  ullam  cum  talibus  societatem  ecclesiasticam,  non  dico  ecclesiae  istic  nostrae  iuxta  re��  ceptos  ritus  institutione,  sed  ulla  etiam  publica  professione  aut  consociatione  attestaremini.  Sed  pacem  cum  omnibus  interim  istic  vobis  habendam  esse