1:184  [CO  1.  184]  tur,  quo  symbolo  intelligunt  datam  sibi  esse  consecrandi  potestatem.  Adeo  nihil  horum  a  verbo  Dei  habent,  ut  non  potuerint  improbius  ordinem  a  Deo  positum  pervertere.  Principio  quidem  pro  confesso  esse  debet,  quod  praecedenti  disputatione  asseruimus  :  iniurios  omnes  esse  Christo,  qui  se  sacerdotes  appellant  ad  offerendam  placationis  hostiam.  Constitutus  ille  et  consecratus  a  patre  sacerdos  cum  iureiurando  fuit,  secundum  ordinem  Melchizedech,  nullo  fine,  nullo  successore;  hostiam  semel  obtulit  aeternae  expiationis  et  reconciliationis  ;  nunc  etiam  sanctuarium  coeli  ingressus,  intercedit  pro  nobis  (Hebr.  4.  5.  6.  7.  8.  9).  In  ipso  omnes  sumus  sacerdotes,  sed  ad  laudes  et  gratiarum  actiones,  nos  denique  nostraque  Deo  offerenda;  illi  uni  singulare  fuit,  sua  oblatione  Deum  placare  et  peccata  expiare  (1  Petr.  2.  Apoc.  1),  Quid  superest, [p. 377]  nisi  istorum  sacerdotium  impium  esse  sacrilegium?  Verum  quando  eos  non  pudet  apostolorum  successores  se  iactare,  quanta  fide  illorum  fungantur  vicibus,  spectare  operae  pretium  est.  Quanquam  inter  se  consentire  ipsos  oportuerat,  si  fidem  sibi  haberi  volebant;  nunc  de  apostolorum  successione  hostiliter  digladiantur  episcopi,  mendicantes  monachi,  sacrificuli.  Obtendunt  episcopi,  duodecim  in  apostolatum  allectos  singulari  praerogativa;  horum  se  loco  et  gradu  esse,  utpote  qui  alias  honore  praecellant.  1)  Vulgares  presbyteros  pro  septuaginta  esse,  qui  postea  a  Domino  designati  sunt.  Sed  nimis  imbecilla  est  ratio,  nec  sane  longa  confutatione  opus  habet,  siquidem  hoc  agnoscunt  e  suis  tabulis:  antequam  diabolica  sectio  fieret  in  ecclesia  et  alius  diceret:  ego  sum  Cephae,  alius:  ego  Apollo,  nullum  fuisse  discrimen  presbyteri  et  episcopi.  2)  Senserunt  multo  rectius,  quibus  haec  discretio  ab  ethnicis  accepta  visa  est,  qui  suos  habebant  flamines,  curiones,  luper-  [OS  211]  cales,  salios,  pontifices  et  caeteros,  honoris  gradu  distinctos.  3)  Mendicantes  monachi  hac  tantum  similitudine  apostolorum  vicarios  se  venditant,  qua  longissime  ab  illis  discrepant:  quod  huc  atque  illuc  cursitant  et  ex  alieno  victitant.  Apostoli  enim  non  temere,  ut  isti  errones,  quovis  volitarunt,  sed  profecti [p. 378]  sunt,  quo  a  Domino  vocabantur  ad  propagandum  evangelii  fructum;  nec  otiosos  ventres  paverunt  alienis  laboribus,  sed  pro  libertate  sibi  a  Domino  permissa,  eorum  benignitate  usi  sunt  quos  verbo  instituebant.  Neque  vero  erat,  cur  monachi,  quasi  testimonio  defecti,  alienis  plumis  se  tegerent,  cum  satis  claro  elogio  a  Paulo  describantur.  Audivimus,  inquit,  inter  vos  quosdam  ambulantes  inquiete,  nihil  operan-  1)  Dist.  21.  c  .  1.  2)  Hieron.  in  epist.  ad  Tit.  citatur  dist.  93.  c.  legimus  et  95.  c.  olim.  3)  Lib.  4.  sentent,  dist.  24.  c.  10.  in  Canon.  dist.  21.  c.  1.