9:183  183  ULTIMA  ADMONITIO  184  fingitur  corporis  immensitas.  Neque  enim  ut  nos  pascat  [pag.  124]  ac  vivificet  Christus  carne  sua,  eam  sub  pane  includi  necesse  est,  ut  a  nobis  voretur.  Interea  non  aliud  quam  verum  et  naturale  corpus  illic  proponi  docemus:  ut  hic  etiam  satis  appareat  hostes  nostros  parum  ingenue  agere,  dum  tantopere  contendunt  idem  corpus  quod  in  cruce  pependit  nobis  communicari.  Quasi  vero  fingamus  Christum  bicorporem  :  ac  non  potius  testentur  scripta  nostra  ab  eadem  carne  petendam  esse  vitam,  quae  in  sacrificio  semel  oblata  est.  Tantum  in  eo  vertitur  quaestio,  pascamurne  Christi  carne  et  sanguine  dum  ab  illis  vitam  ipse  nobis  inspirat,  an  vero  necesse  sit  substantiam  carnis  a  nobis  deglutiri  ut  sit  nobis  in  cibum:  et  sanguinem,  ut  nobis  sit  in  potum,  substantialiter  hauriri.  Alterum  caput  controversiae  est  de  promiscua  manducatione:  quia  nos  ita  asserimus  omnibus  offerri  Christi  carnem  et  sanguinem,  ut  soli  fideles  inaestimabili  hoc  thesauro  fruantur:  etsi  autem  incredulitas  [pag.  125]  ianuam  Christo  claudit,  ut  priventur  eius  beneficio  qui  ad  coenam  impure  accedunt,  negamus  tamen  quidquam  decedere  ex  sacramenti  natura:  quia  panis  semper  verum  est  pignus  carnis  Christi,  et  vinum  sanguinis,  veraque  utriusque  exhibitio  semper  constat  ex  parte  Dei.  Adversarii  nostri  corpus  et  sanguinem  ita  sub  pane  et  vino  includunt,  ut  sine  ulla  fide  vorentur  ab  impiis.  Fidem  nostram  nunc  suis  rationibus  stabilire  propositum  non  est:  hoc  tamen  consilio  testatam  esse  volui,  ut  si  quando  odiose  gravari  nos  videbunt  lectores  falsis  Magdeburgensium  cavillis,  oculos  ad  hoc  speculum  semper  referant.  Et  quae  postea  subiiciam,  non  modo  ad  claram  explicationem  valebunt,  sed  ad  solidam  confirmationem  ita  sufficient,  ne  fumi  calumniarum,  quas  sparserunt  Magdeburgenses,  lucem  posthac  obnubilent  in  meridie.  Quia  contendunt  Magdeburgenses  in  literali  verborum  Christi  sensu  manendum  [pag.  126]  esse,  panem  volunt  absque  figura  substantialiter  esse  corpus,  atque  ad  hanc  sententiam  probandam  rationes  colligunt  viginti  octo,  quas  Fundamenta  vocant.*)  Sic  quidem  videri  volunt:  sed  deprehendent1)  lectores  quae  initio  tres  numerantur  non  nisi  unam  esse.  Obsecro,  quid  numero  multiplicando  fucum  facere  iuvat?  Haec  autem  summa  est:  sincerum,  proprium,  et  certum  intellectum  huius  controversiae,  planamque  et  firmam  diiudicationem  ex  ipsissimis  Christi  verbis,  claro  et  nativo  eorum  sensu  petendam  esse,  non  ex  arbitrio  aut  glossatione  hominum.  Et  quia  animalis  homo  non  percipit  quae  Dei  sunt,  etiamsi  carnis  ratio  tenebris  obvoluta  caecutiat,  fide  esse  apprehendendum  quod  Christus  disertis  et  perspicuis  verbis  asserit  :  neque  enim  si  *)  Vide  Confessiones  a  Westphalo  editas  C.  4  seqq.  1)  deprehendunt  Beza  et  Amst.  adstipulante  Gallo.