6:183  LA  FORME  DES  PRIERES  ce  seroit  a  bon  droict:  et  ne  contredisons  pas,  que  nous  ne  l'ayons  bien  merite.  Toutesfois,  Seigneur,  tu  es  nostre  Pere,  et  nous  ne  sommes  que  terre  et  fange:  tu  es  nostre  Createur,  et  nous  sommes  les  oeuvres  de  tes  mains:  tu  es  nostre  Pasteur,  nous  sommes  ton  trouppeau:  tu  es  nostre  Redempteur,  nous  sommes  le  peuple,  que  tu  as  rachepte:  tu  es  nostre  Dieu,  nous  sommes  ton  heritage.  Parquoy  ne  te  courrouce  point  contre  nous,  pour  nous  corriger  en  ta  fureur.  Que  tu  n'aye  point  memoire  de  nostre  iniquite,  pour  la  punir:  mais  chastie  nous  doulcement  en  ta  benignite.  Pour  noz  desmerites  ton'  ire  est  enflambee:  mais  qu'il  te  souvienne,  que  ton  Nom  est  invoque  sur  nous,  et  que  nous  portons  ta  marque  et  ton  enseigne.  Entretiens  plustost  l'oeuvre  que  tu  as  commence  en  nous  par  ta  grace:  afin  que  toute  la  terre  congnoisse,  que  tu  es  nostre  Dieu  et  nostre  Sauveur.  Tu  scais  que  les  morts,  qui  sont  es  enfers  et  ceulx  que  tu  auras  deffaictz  et  confonduz,  ne  te  loueront  point,  mais  les  ames  tristes  et  desolees,  les  coeurs  abatus,  les  consciences  oppressees  du  sentiment  de  leur  mal,  et  affamees  du  desir  de  ta  grace,  te  donneront  gloire  ei  louenge.  Ton  peuple  d'Israel  t'a  provoque  a  ire  plusieurs  fois,  par  son  iniquite:  tu  l'as  afflige  par  ton  iuste  iugement:  mais  quand  il  s'est  reduict  a  toy,  tu  l'as  tousiours  receu  a  pitie.  Et  quelques  griefves  que  fussent  ses  offences,  pour  l'amour  de  ton  alliance,  que  tu  avois  faicte  avec  tes  serviteurs  Abraham,  Isaac  et  Iacob,  tu  as  destourne  tes  verges  et  maledictions,  lesquelles  leur  estoyent  preparees,  tellement  que  leurs  oraisons  n'ont  iamais  este  repoulsees  de  toy.  Nous  avons,  par  ta  grace,  une  alliance  beaucoup  meilleure,  que  nous  te  pouvons  alleguer:  c'est  celle  que  tu  nous  as  faicte  et  establie,  en  la  main  de  Iesus  Christ,  nostre  Sauveur,  laquelle  tu  as  voulu  estre  escripte  de  son  sang,  et  ratifiee  par  sa  mort  et  passion.  Pourtant,  Seigneur,  renonceant  a  nousmesmes,  et  a≫  toute  esperance  humaine,  nous  recourons  a,  ceste  alliance  bien-heureuse  par  laquelle  nostre  Seigneur  Iesus,  t'offrant  son  corps  en  sacrifice,  nous  a  reconcilie  a  toy.  Regarde  donc,  Seigneur,  en  la  Pace  de  ton  Christ,  et  non  pas  en  nous;  afin  que  par  son  intercession  ton  ire  soit  appaisee,  et  que  ton  visage  reluise  sur  nous  en  ioye  et  en  salut:  et  doresenavant  vueille  nous  recevoir  en  ta  saincte  conduicte,  et  nous  gouverner  par  ton  Esprit,  qui  nous  regenere  en  une  meilleure  vie,  etc.  1)