55:183  183  EPIST.  AD  HEBRAEOS.  184  severum  iudicem  se  ostendat.  Si  innoxium  animal  propius  forte  accessisset,  iubebat  illud  confodi.  Quanto  durior  poena  imminebat  peccatoribus  qui  sibi  male  conscii  erant,  imo  qui  se  noverant  reos  mortis  aeternae  agi  per  legem?  Evangelium  autem  nihil  nisi  amabile  continet,  si  quidem  fide  recipitur.  Beliqua  pete  ex  2.  ad  Corinthios  capite  3.  Caeterum  quod  dicit  populum  excusasse:  non  ita  debet  accipi,  quasi  populus  renuerit  audire  Dei  verba,  sed  deprecatus  est  ne  Deum  ipsum  loquentem  audire  cogeretur.  Persona  enim  Mosis  interposita  horrorem  nonnihil  mitigabat.  Torquet  tamen  interpretes  quod  Mosi  haec  verba  apostolus  tribuit;  Expavefactus  sum  et  tremefactus:  quae  nusquam  legimus  Mosen  protulisse.  Terum  solutio  non  erit  difficilis,  si  consideremus  Mosem  nomine  populi  sic  loquutum,  cuius  mandata,  quasi  internuntius,  ad  Deum  referebat.  Fuit  igitur  haec  communis  totius  populi  quaerimonia:  sed  Moses  inducitur,  qui  fuit  veluti  commune  os  omnium.  22.  Ad  montem  Sion.  Respicit  ad  eas  prophetias  quibus  olim  Deus  promiserat  evangelium  inde  proditurum,  ut  Iesaiae  secundo,  et  similibus  locis.  Ergo  montem  Sion  committit  cum  monte  Sinai:  deinde  I  e  r  u  s  a  l  em  coelestem.  Et  nominatim  coelestem  vocat,  ne  Iudaei  in  illa  terrena  haereant,  quae  sub  lege  floruerat:  nam  quum  pertinaciter  sub  servili  legis  iugo  manere  appeteret,  conversa  erat  in  montem  Sinai,  sicut  Paulus  docet  ad  Galatas  capite  4.  Coelestem  ergo  Ierusalem  intelligit,  quae  per  totum  mundum  exstruenda  erat,  quemadmodum  angelus  apud  Zachariam  funiculum  eius  ab  oriente  usque  in  occidentem  extendit.  23.  Conventum  angelorum��  Significat  nos  angelis  associari,  cooptari  in  patriarcharum  ordinem,  et  collocari  in  coelo  inter  omnes  beatos  spiritus,  quum  per  evangelium  nos  ad  se  Christus  vocat.  Hic  vero  inestimabilis  est  honor  quo  nos  dignatur  coelestis  pater,  ut  angelis  et  sanctis  patribus  nos  accenseat.  Quod  autem  myriadas  angelorum  dicit,  ex  Daniele  sumptum  est.  Quamquam  ego  Erasmum  sequutus,  innumerabiles  verti.  Primogenitos,  non  quosvis  Dei  filios  nominat,  ut  aliquando  spiritu  solet:  sed  peculiariter  honoris  causa  patriarchas,  et  reliquos  veteris  ecclesiae  proceres  ornat  hoc  titulo.  Dicit  in  coelis  scriptos,  quia  eiectos  omnes  Deus  conscriptos  habere  dicitur  in  libro  suo  vel  in  arcano  catalogo,  ut  Ezechiel  loquitur.  Ad  iudicem  omnium.  Hoc  dictum  videtur  ut  metum  incutiat:  ac  si  diceret,  ita  nobis  offerri  gratiam,  ut  cogitandum  tamen  sit,  nobis  cum  iudice  nostro  esse  negotium,  cui  reddenda  sit  ratio,  si  polluti  ac  profani  temere  in  eius  sanctuarium  irrumpimus.  Addit  spiritus  iustorum,  ut  significet  nos  aggregari  ad  sanctas  animas,  quae  corporibus  exutae  omnes  mundi  sordes  reliquerunt:  ideoque