51:183  183  EPIST.  PAULI  AD  EPHESIOS  184  Semper  respiciendum  est  quibus  verbi  sui  ministerium  destinaverit  Deus.  Nam  si  in  fide  non  ambulant  angeli,  qui  Dei  conspectu  fruuntur,  neque  etiam  externa  verbi  administratione  opus  habent.  Restat  igitur,  quae  in  hominum  usu  est,  praedicationem  nonnisi  hominum  necessitati  servire.  Pauli  autem  verba  hunc  habent  sensum,  quod  ecclesia  ex  Iudaeis  pariter  ac  gentibus  collecta,  quasi  speculum  sit,  in  quo  contemplantur  angeli  mirificam  Dei  sapientiam,  quam  prius  nescierant.  Opus  enim  vident  sibi  novum,  et  cuius  ratio  in  Deo  latebat.  Talis  est  profectus,  non  quia  ex  ore  hominum  aliquid  discant.  11.  Secundum  propositum  aeternum.  Videmus  quam  diligenter  caveat  ne  obiici  possit  consilii  mutatio  in  Deo.  Ideo  repetit  iam  tertio,  fuisse  aeternum  semperque  fixum  decretum  :  sed  quod  debuerit  in  Christo  sanciri,  quia  in  ipso  statutum  erat.  Ita  legitimum  publicandi  decreti  tempus  ad  Christi  regnum  pertinere  significat.  Ad  verbum  est:  secundum  propositum  quod  fecit,  sed  facere  accipio  pro  statuere:  quia  non  de  exsequutione  tantum  decreti  agitur',  sed  de  ipsa  ordinatione:  quae  tametsi  omnia  saecula  praecessit,  retenta  fuit  in  Dei  sinu  usque  ad  Christi  manifestationem.  12.  Per  quem  habemus  audaciam.  Significat  hoc  honoris  dandum  esse  Christo,  ut  toti  mundo  patrem  conciliet.  Gratiam  hanc  a  fructu  commendat:  quia  sicuti  communis  gentibus  est  fides,  ita  in  Dei  conspectum  eas  admittit.  Quoties  autem  nos  per  Christum  et  eius  fidem  Paulus  coniungit  Deo,  subest  tacita  antithesis,  quae  omnes  alios  aditus  obstruit,  alios  omnes  coniunctionis  modos  tollit.  Hic  tamen  habemus  insignem  et  utilissimam  doctrinam  :  siquidem  et  quae  fidei  vis  sit  ac  natura,  eleganter  exprimit  Paulus,  et  quae  fiducia  in  vera  Dei  invocatione  requiratur.  De  fidei  effectu  et  officiis  si  multum  nobiscum  litigent  papistae,  non  est  mirum:  neque  enim  quid  sibi  velit  fidei  vocabulum,  capiunt.  Quod  ex  praesenti  loco  possent  discere,  nisi  essent  falsis  opinionibus  iam  praeoccupati.  Primum  fidem  Christi  nominat  Paulus,  significans  in  Christo  nobis  exhibitum  quidquid  respicere  debet  fides.  Unde  sequitur,  nudam  et  confusam  de  Deo  notitiam  non  habendam  esse  pro  fide,  sed  quae  in  Christum  se  dirigit,  ut  illic  Deum  quaerat:  quod  fieri  nequit,  nisi  quum  intelligitur  Christi  virtus  et  officium.  Ex  fide  procreari  docet  audaciam  et  fiduciam:  quarum  haec  ordine  prior,  alteram  deinde  secum  trahit.  Tres  itaque  gradus  sunt  faciendi.  Nam  primum  Dei  promissionibus  credimus.  Deinde  his  acquiescentes,  concipimus  fiduciam,  ut  bono  simus  tranquilloque  animo.  Hinc  sequitur  audacia,  quae  facit  ut  profligato  metu  intrepide  et  constanter  nos  Deo  commendemus.  Fidem  qui  a  fiducia  separant,  perinde  faciunt  ac  si  quis  conetur  suum  a  sole  ca-