50:183  183  EPIST.  PAULI  AD  GALATAS  184  num  duntaxat,  sed  Dei  etiam  autoritate  confirmatur:  quod  ad  frangendam  eorum  pervicaciam,  qui  Paulum  gravabant  obiectis  apostolorum  nominibus,  satis  superque  valere  debeat.  Nam  etsi  antea  litigandi  fuisset  aliqua  ratio,  tunc  omnis  disceptatio  interposita  Dei  sententia  cessavit.  Contuli  cum  illis.  Primo  notandum  est  verbum  conferendi:  non  enim  praescribunt  illi  quid  debeat  docere,  sed  quid  docuerit  refert,  ut  subscribant  illi  suumque  calculum  addant.  Quia  autem  calumniari  poterant  adversarii,  astute  multa  dissimulando  captasse  apostolorum  gratiam,  nominatim  exprimit  se  evangeliummcontulisse,  quale  inter  gentes  praedicat:  quo  avertit  *  omnem  fuci  aut  tergiversationis  suspicionem.  Videbimus  quid  tandem  sequutum  sit.  Neque  enim  vitio  verterunt  apostoli*),  quod  iniussu  suo  auspicatus  foret,  sed  sine  controversia  vel  expostulatime  ratum  habuerunt  quod  gesserat,  idque  eiusdem  spiritus  instinctu,  quo  duce  Paulus  ad  eos  venerat.  Non  ergo  creatus  fuit  ab  illis,  sed  agnitus  apostolus:  verum  haec  postea.  Ne  quo  modo.  Quid  igitur?  an  concidet  Dei  veritas,  nisi  fulciatur  hominum  testimonio?  Atqui  etiam  si  totus  mundus  infidelis  sit,  manet  tamen  certa  et  illibata  Dei  veritas:  nec  ludunt  operam  qui  Dei  mandato  evangelium  docent,  etiamsi  nullum  fructum  pariant  suo  labore.  Nec  vero  huc  tendunt  Pauli  verba.  Sed  quia  dubiis  ac  suspensis  conscientiis  inutile  est  verbi  ministerium,  quod  ad  homines  in  vanum  c  u  r  r  e  r  e  accipitur  pro  inutiliter  laborare,  quum  non  sequitur  ea  quae  debet  aedificatio.  Porro  hic  erat  fortis  aries  ad  concutiendas  infirmas  conscientias,  quum  mentiebantur  impostores,  doctrinam,  quam  praedicabat  Paulus,  contrariam  esse  doctrinae  apostolorum:  ita  ut  multi  labascerent.  Non  pendet  quidem  ab  hominum  consensu  fidei  certitudo:  quin  potius  ita  nos  acquiescere  convenit  in  nuda  Dei  veritate,  ut  neque  homines,  neque  angeli  universi  inde  nos  dimoveant.  Rudibus  tamen  et  qui  vixdum  tenuem  habent  gustum  sanae  doctrinae,  eam  pectore  et  medullis  nondum  penitus  imbiberunt  vix  tolerabilis  est  tentatio,  quum  audiunt  praecipuos  doctores  inter  se  dissidere.  Imo  robustos  quoque  interdum  percellit  Satan  hoc  artificio,  quum  eorum  certamina  et  dissensiones  obiicit,  quos  maxime  unum  sentire  et  loqui  decuerat.  Dici  vix  potest  quam  multos  retardaverit  ab  evangelio,  quam  multorum  fidem  concusserit  infausta  illa  de  Christi  corpore  digladiatio:  eo  quod  primariae  autoritatis  viros  cernebant  adeo  hostiliter  pugnare  de  quaestione  maxima.  Rursus  non  leve  est  stabiliendae  fidei  adminiculum,  doctorum  omnium  consensus.  Ergo  quoniam  tali  astu  moliebatur  Satan  cursum  evangelii  impedire,  obviam  ire  voluit  Paulus.  Nam  postquam  apparuit  O  pseudoapostoli