5:183  PSYCHOPANNYCHIA.  spiritui  inquinamentum  tribuat,  quo  nomine  aliis  locis  significat  meram  puritatem.  Addam  et  locum  alterum,  quanquam  video  eos,  qui  calumniari  volent,  protinus  ad  suas  glossas  delapsuros.  Dum  enim  ait  (1  Cor.  2,  11):  [fol.  6]  Quis  est  hominum,  qui  sciat  quae  sunt  hominis,  nisi  spiritus  hominis  qui  in  ipso  est?  ita,  et  quae  sunt  Dei.nemo  cognovit,  nisi  spiritus  Dei:  poterat  dicere  hominem  scire  quae  sua  sunt:  sed  partem  illam  verbo  appellavit,  in  qua  residet  vis  cogitandi  et  intelligendi.  Atque  etiam,  quum  dicit,  spiritum  Dei  testimonium  reddere  spiritui  nostro,  quod  filii  Dei  sumus  (Rom.  8,  16),  nonne  eadem  loquendi  proprietate  usus  est?  Quid,  quod  uno  verbo  convincere  eos  potui?  l)  Scimus  enim,  quam  saepe  Christi  voce  damnatus  sit  error  Sadducaeorum,  cuius  partem  esse  Lucas  in  Actis  (23,  8)  scripsit,  quod  spiritum  non  esse  dicerent.  Verba  sunt:  Sadducaei  autem  dicunt,  non  esse  resurrectionem,  neque  angelum,  neque  spiritum:  Pharisaei  vero  haec  omnia  confitentur.  Vereor  ne  de  spiritu  sancto  cavillentur  haec  intelligi,  aut  de  angelis.  Cui  obiecto  facile  est  occurrere.  Nam  et  angelos  seorsum  posuit:  et  certum  est  Pharisaeis  illis  nullam  fere  fuisse  spiritus  sancti  notitiam.  Atque  etiam  id  melius  assequentur,  qui  graece  norunt:  Lucas  enim  sine  adiectione  articuli,  dixit  itvw(ji>a,  adiecturus  indubie,  si  de  spiritu  sancto  loquutus  esset.  Hoc  si  non  illis  os  obstruit,  non  video  qua  ratione  vel  trahi,  vel  duci  possint:  nisi  forte  dicant,  neque  damnatam  fuisse  ex  eo  Sadducaeorum  opinionem,  quod  spiritum  negarent:  neque  probatam  Pharisaeorum,  quod  assererent.  Cui  cavillo  ipsa  evangelistae  verba  obviant.  Ubi  enim  Pauli  confessionem  posuit,  Pharisaeum  se  esse:  subdit  eam  Pharisaeorum  sententiam.  Aut  igitur  oportet  callidam  et  malitiosam  fuisse  Pauli  simulationem:  (quod  recipi  non  debet  in  confessione  fidei)  aut  cum  Pharisaeis  de  spiritu  sensisse.  Quod  si  nobis  fidem  faciunt  historiae,  hoc  perinde  inter  apostolos  certum  erat  ac  constitutum,  atque  mortuorum  resurrectio,  aut  aliquod  simile  fidei  nostrae  caput.  Non  pigebit  huc  adscribere  verba  Polycarpi,  viri  omnibus  et  dictis  et  factis  spirantis  martyrium:  qui  et  discipulus  apostolorum  fuit,  et  ita  sincere  quod  ab  illis  acceperat,  posteris  tradidit,  ut  nihil  unquam  immisceri  fermenti  passus  fuerit.  2)  Is  igitur  inter  multas  praeclaras  vbces,  quas  flammae  admotus  edidit,  eo  die  repraesentandum  se  dixit  coram  Deo  in  spiritu.  Quo  eodem  tempore  Melito  episcopus  Sardensis,  3)  vir  paris  sinceritatis,  librum  scripsit  de  corpore  et  anima:  qui  si  hodie  exstaret,  superfluus  esset  hic  labor.  Adeo  autem  haec  sententia  meliore  illo  saeculo  valuit,  ut  Tertullianus4)  reponat  eam  1)  potuit,  1576  ^pqq.  2)  Eubeb.  H.  e.  IV,  15.  3)  Ibld.  c.  26.  4)  Lib.  de  resurr.  carnis.