27:183  183  SERMON  LXXXII.  184  la,  nous  le  pouvons  contempler  commet  face  a  face,  ainsi  que  dit  sainct  Paul  en  la  seconde  aux  Corinthiens.  Or  les  Papistes  viennent  mettre  un  voile  au  devant,  et  disent  qu'il  nous  faut  contenter  des  peintures.  C'est  donc  renverser  tout,  et  mettre  une  confusion  diabolique.  Or  cependant  nous  voyons  qu'il  n'est  point  question  d'escoutter  en  la  Papaute  ce  que  Dieu  dira:  mais  le  tout  s'in  vente  a  la  poste  des  hommes.  Ils  appellent  service  de  Dieu  tout  ce  qu'ils  font:  voire,  mais  comment  Dieu  sera-ii  deument  servi?  Il  dit:  Vous  ne  ferez  pas  quand  ie  vous  auray  ordonne  une  facon  certaine,  tout  ce  que  bon  vous  semblera:  contentez-vous  de  vous  gouverner  selon  ma  parolle.  Or  les  Papistes  quoy?  Ceci  me  semble  bon:  voila  que  nous  cuidons  estre  beau:  chacun  y  met  sa  piece,  et  on  ne  trouvera  point  une  seule  syllabe  en  la  parolle  de  Dieu  de  tout  ce  qu'ils  appellent  son  service,  et  qu'ils  luy  veulent  mettre  en  conte.  Car  qu'on  espluche  bien  tout  ce  qui  est  comprins  sous  ce  mot  en  la  Papaute:  et  on  trouvera  que  le  tout  est  forge  et  basti  des  hommes,  et  que  Dieu  non  seulement  le  desadvoue,  mais  qu'il  le  condamne:  pource  qu'il  nous  a  monstre  sa  verite  toute  certaine,  et  infallible,  et  que  c'estoit  a  icelle  qu'il  nous  falloit  conformer.  Nous  voyons  donc  comme  toute  ceste  doctrine  a  este  abbatue  meschamment  en  la  Papaute:  voire,  pource  qu'ils  ont  perverti  le  vray  usage  des  figures  de  la  Loy,  quand  ils  se  sont  donne  licence  confuse  de  faire  tout  ce  qu'ils  avoyent  invente,  sans  avoir  nul  esgard  aux  tesmoignages  que  Dieu  nous  donne,  pour  dire:  Voila  ce  que  vous  devez  faire.  Or  tant  plus  nous  faut-il  estre  diligens  a  noter  ce  passage.  Car  si  auiourd'huy  nous  estions  en  doute,  que  nous  ne  seussions  point  ce  que  Dieu  approuve:  alors  nous  pourrions  encores  avoir  quelque  phantasie  pour  decliner  ou  ca,  ou  la.  Mais  si  Dieu  nous  a  rendu  tesmoignage  de  ce  qu'il  demande:  cela  nous  doit  bien  estre  assez.  Or  est-il  ainsi  qu'il  a  aboli  les  ceremonies  de  la  Loy,  ouy  desquelles  il  estoit  autheur.  Et  pourquoy?  En  cela  il  nous  monstre  qu'il  ne  veut  plus  que  nous  soyons  enveloppez  en  ces  figures  externes.  La  raison  est  adioustee:  Puis  que  nous  avons  la  perfection  de  tout  en  Iesus  Christ.  Or  maintenant  donc  si  nous  ne  voulons  deroguer  a  la  gloire  de  nostre  Seigneur  Iesus  Christ,  et  renverser  les  biens  qu'il  nous  a  apportez,  il  nous  faut  oster  les  figures  anciennes.  Voila  pour  un  item.  Et  puis,  voila  Dieu  qui  se  contente  de  peu  de  ceremonies:  car  il  ne  veut  plus  que  nous  ayons  ni  accoustremens,  ni  luminaires,  ni  perfums,  ni  pains,  ni  sacrifices  de  bestes,  ni  rien  qui  soit:  mais  il  veut  qu'au  Baptesme  nous  ayons  un  tesmoignage  qui  nous  dure  pour  tout  le  temps  de  nostre  vie,  que  nous  sommes  lavez,  et  nettoyez  par  la  grace  qu'il  nous  a  acquise  en  nostre  Seigneur