15:183  183  EPISTOLA  1983  184  (Io.  a  Lasco  Opp.  ed.  Kuyper.  IL  703  qui  desumpsit  ex  libro  :  Frankfurter  Eeligions-Handlungen  1735.  I.  Beil.  290.)  Legimus  literas  latine  nobis  redditas,  fratres  in  Domino  observandissimi,  quas  ad  vos  pridem  et  Genevensis1)  et  Lausannensis  ecclesiarum  ministri,  communes  nostri  fratres,  scripserunt,  probamusque  vehementer  quod  illorum  vobis  consilio  in  vestra  nunc  causa  utendum  esse  putaveritis:  sed  veremur  ne  non  satis  illis  expresseritis  rerum  istic  vestrarum  omnium  faciem,  quantum  quidem  ex  eorum  literis  possumus  iudicare.  Primum  enim  existimant  unam  atque  eandem  esse  et  vestram  et  hospitis  vestrae  ecclesiae  doctrinam,  aut  si  quid  est  dissidii  id  eiusmodi  non  esse  ut  vos  invicem  alii  alios  propter  illud  ferre  non  debeatis.  Deinde  si  quae  vos  in  receptis  istis  ritibus  quoquo  modo  offendunt  ea  omnia  ad  quandam  infirmitatem  referri  nolunt,  quam  vobis  alioqui  perferendam  esse  censent.  Postremo  arbitrantur,  vos  pro  privatis  duntaxat  membris  hospitis  ecclesiae  habendos  esse,  quibus  plura  sane  sunt  perferenda,  peregre  praesertim,  quam  si  qui  in  publico  ecclesiae  ministerio  versentur.  Atque  ita  demum  vos  hortantur  ad  omnium  istic  tolerantiam  cum  omni  modestia  coniunctam,  ne  a  quibus  benigne  hospitio  excepti  estis  ab  iis  demum  data  illis  per  vestram  temeritatem  occasione  propellamini,  ut  homines  seditiosi  et  societatis  ecclesiasticae  perturbatores.  Haec  nobis  summa  eorum  esse  videtur,  quae  in  literis  fratrum  illorum  nostrorum  communium  habentur,  ad  quam  reliqua  omnia  referri  facile  possint.  Nos  porro  optaremus  ad  eum  se  istic  modum  habere  omnia,  ad  quem  modum  fratres,  ut  apparet,  illi  omnia  se  habere  putant,  et  si  res  ita  se  istic  haberent,  nullum  sane  vobis  aliud  etiam  consilium  dare  hac  in  parte  possemus.  Sed  quum  alia  longe  ad  nos  istinc  et  quidem  per  vestros  fratres  adferantur,  quae  nobis  in  causa  sunt  ut  in  approbanda  fratrum  illorum  qui  ad  vos  scripserunt  sententia  nonnihil  haerere  et  graviora  istic  metuere  cogamur,  visum  est  vos  quorundam,  posteaquam  nostram  etiam  requiritis  sententiam,  paucis  admonere  in  caritate  et  libertate  christiana,  ut  re  melius  excussa  vos  demum  ipsi  perpendatis  quid  vobis  tandem  sequendum  esse  statuatis,  pro  eo  ac  videritis  num  vera  ad  nos  istinc  perferantur.  1983.  1)  N.  1929.  Lausannenses  mense  Aprili  scripserant.  Of.  Wolters  Hef.  Gesch.  v.  Wesel  p.  167.  Qui  sic  scribit:  Wir  haben  uns  den  Vorgang  wohl  so  zu  denken  dass  beide  Gremeinden,  die  wallonische,  wie  die  sogenannte  englische,  die  der  Masse  nach  wie  jene  aus  franzosisch  Eedenden  bestand,  die  erhaltenen  Rathschlage  welche  beide  angingen,  sich  gegen-  &eitig  mitgetheilt  haben,  wie  sie  denn  auch  spater  gemeinsam  operirten.