10.1:183  CONSILIA.  mento  nititur  doctrinae  propheticae  atque  apostolicae,  cuius  caput  angulare  et  iramotum  Christus  est  et  manet.  Adulterina  vero  illa  est,  in  qua  non  regnat  Dei  verbum.  Eo  posito  hoc  inferimus,  cultum  Dei  ex  mandato  ipsius  instituendum  esse.  Nihil  hic  humanitus  traditum  invectumve  ferri  posse.  Unius  enim  Dei  esse,  legem  figere  conscientiis.  Unius  ius  esse,  praescribere  quid  ipse  fieri  a  nobis  velit.  Hinc  illae  querimoniae:  Vos  sanctae  matris  ecclesiae  statuta  pessum  dedistis;  quoniam  post  Esaiam  autore  Christo  testamur,  frustra  Deum  coli  mandatis  hominum;  item  ex  Iacobo,  unum  legislatorem  esse,  penes  quem  sit  servare  et  perdere.  Ac  si  quidquid  illud  est,  quod  Dei  cultus  nomine  ab  istis  ornatur,  intentius  inspexeris,  merum  illic  commentum  ex  hominum  cerebro  conflatum  reperies.  Iam  si  de  fide  et  invocatione  agitur,  quia  scriptura  nos  ad  unam  Christi  gratiam  amandat,  miserabilem  conditionem  nostram  ob  oculos  ponit,  quae  certissimam  condemnationem  secum  afferat:  nos  vero  praeeunte  scriptura,  homines  ad  illam  unius  Christi  gratiae  agnitionem  et  praedicationem  revocamus:  quod  rursum  statui  non  potest,  quin  momento  absurdissimum  illud  meritorum  commentum  ad  vitam  aeternam  lucrifaciendam  corruat.  Hinc  et  illae  obnunciationes:  Vos  omnem  bonorum  operum  doctrinam  et  studium  de  medio  tollitis.  Scilicet  illa  adversum  nos  calumnia  stare  potest,  quum  omnis  adversariorum  istis  de  rebus  in  suis  concionibus  docendi  ratio  plus  quam  evanida  sit,  si  ad  seriam  et  exactam  quae  ministerio  nostro  traditur  et  inculcatur  sanctae  vitae  institutionem  vel  eminus  admota  conferatur.  Hoc  vero  sic  assidue  procuratur  a  nobis,  ut  tamen,  ne  quis  se  ipsum  fallat  aliqua  operum  suorum  iactatione,  sic  aperte  doceamus:  neque  posse  nos  quidquam  boni,  nisi  spiritu  Dei  nos  dirigente:  neque  adeo  sancte  viventibus  (quum  innumeri  sint  nostri  defectus,  nihil  in  nobis  non  caducum  in  sese,  et  nullius  ad  iustitiam  coram  Deo  exhibendam  momenti)  fundamentum  aliud  non  exstare,  quo  solida  iustitia  nobis  constet,  quam  ut  Christi  unius  crucem  ac  mortem,  omnibus  aliis  post  tergum  reiectis,  ambabus  manibus  complectamur.  Huic  fidei  fundamento  veram  invocationem  ita  connectimus,  ut  et  ad  Deum  unum  preces  nostras  dirigendas  esse  ostendamus,  quum  nos  ad  se  compellet:  et  ne  nostrae  indignitatis  conscientia  ab  illo  nos  avertat,  per  Christum  unum,  uti  apud  patrem  mediator  nobis  offertur,  ad  thronum  gratiae  cum  certa  fiducia  accurrendum  nobis  sit.  Hinc  et  illae  lacrymae:  Vos  in  sanctos  et  sanctas  Dei  contumeliosi  estis!  vos  illorum  cultum  et  honorem  sustulistis!  Scilicet!  quum  sanctorum  Dei  hominum  memoriam  eo  quo  Dominus  nos  docet  loco  habendo  sincero  studio  illam  retinemus  et  honore  prosequimur:  ferre  autem  non  possumus  ut  sancti  ipsi  in  idola  transformati,