1:183  [CO  1.  183]  qui  puer  acolythi  munere  functus  est,  cum  in  ordinem  acolythorum  cooptatur,  desinit  esse  id  quod  dici  incipit.  Ut  videantur  ex  professo  velle  munus  ipsum  abiicere,  cum  titulum  adsumunt.  En,  cur  sacramentis  consecrari  et  spiritum  sanctum  accipere,  necesse  habeant:  nempe  ut  nihil  agant.  Si  praetexant  hanc  esse  temporum  perversitatem,  quod  ministeria  sua  deserunt  ac  negligunt;  simul  fateantur,  nullum  hodie  esse  in  ecclesia  usum  nec  fructum  sacrorum  suorum  ordinum,  quos  mirifice  depraedicant,  totamque  ecclesiam  suam  anathemate  plenam,  quandoquidem  cereos  et  urceolos  a  pueris  et  profanis  attrectari  permittat,  quibus  tangendis  nulli  digni  sunt,  nisi  in  acolythos  consecrati;  quando  cantiones  ad  pueros  ablegat,  quae  nisi  ab  ore  consecrato  audiri  non  debebant.  Exorcistas  vero  in  quem  tandem  finem  consecrant?  Audio  Iudaeis [p. 375]  fuisse  suos  exorcistas,  sed  ab  exorcismis  dictos  video  quos  exercebant  (Act.  19).  De  ementitis  istis  exorcistis,  quis  unquam  fando  audivit,  quod  specimen  unum  suae  professionis  ediderint?  Fingitur  illis  potestas  data  imponendi  manus  super  energumenos  et  catechumenos  et  daemoniacos;  sed  tali  se  potestate  praeditos,  daemonibus  persuadere  non  possunt,  non  modo  quia  eorum  imperiis  non  cedunt  daemones,  sed  etiam  quia  ipsis  imperant.  Vix  enim  decimum  quemque  reperias,  qui  non  malo  spiritu  agatur.  Quaecunque  igitur  de  minutulis  suis  ordinibus  balbutiunt,  sive  sex  computentur,  sive  quinque,  conflata  sunt  ex  inscitis  insulsisque  mendaciis.  In  iis  autem  et  subdiaconatum  complector,  etsi  ad  maiores  translatus  est,  ex  quo  turba  ista  minorum  graduum  pullulare  coepit.  Eos  certe  sacramentorum  loco  non  esse  habendos  constat,  quando  istorum  confessione,  primitivae  ecclesiae  incogniti  fuerunt  et  multis  postea  annis  excogitati.  1)  Sacramenta  autem  cum  Dei  promissionem  contineant,  neque  ab  angelis,  neque  ab  hominibus,  sed  a  Deo  solo  institui  possunt,  cuius  unius  est  promissionem  dare.  Pro  duobus  reliquis  testimonium  habere  videntur  a  verbo  Dei,  ideoque  sacros  ordines  honoris  causa  peculiariter  nominant.  Sed  quam  oblique  illo  in  suum  praetextum  abutantur [p. 376]  videndum  est.  Incipiemus  autem  ab  ordine  presbyterii,  sive  sacerdotii.  His  enim  duobus  nominibus  rem  unam  significant:  ac  sic  [OS  210]  appellant  eos,  ad  quos  pertinere  aiunt  sacrificium  corporis  et  sanguinis  Christi  in  altari  conficere,  orationes  dicere  et  benedicere  dona  Dei.  2)  Itaque  in  ordinatione  calicem  et  patenam  cum  hostiis  accipiunt,  in  symbola  collatae  potestatis  placabiles  Deo  hostias  offerendi,  manusque  illis  inungun-  1)  Lib.  4.  sentent.  dist.  24.  c.  8.  2)  Isidorus  c.  perlectis,  25.  dist.  .  Lib.  4.  sentent.  dist.  24.  c.  8.