9:182  volunt,  debere  a  Christo  ipso  incipere:  ut  corpori  eius  insiti  per  eius  sacrificium  Deo  reconcilientur.  Longius  deinde  prosilit  calumnia,  nos  applicationem  remissionis  peccatorum  negare  in  coena  fieri.  Quasi  vero  applicationis  nomen  proprio  et  genuino  sensu  non  usurpem.  Nam  quod  ita  nos  ratiocinari  dicunt:  Sola  fide  iustificamur,  ergo  non  per  sacramenta:  non  adeo  rudes  sumus,  quin  sciamus  sacramenta,  quatenus  adminicula  sunt  fidei,  iustitiam  quoque  nobis  in  Christo  offerre.  Imo  quum  optime  inter  nos  conveniat,  eodem  in  gradu  locanda  esse  sacramenta,  quo  verbum:  sicuti  evangelium  vocatur  potentia  Dei  in  salutem  omni  credenti  (Rom.  1,  16),  idem  elogium  ad  sacramenta  transferre  non  dubitamus.  Ergo  nisi  eos  carpendi  mordendique  libido  ad  nos  quovis  modo  exagitandos  impelleret,  cur  hic  tantopere  excandescerent,  [pag.  122J  nulla  erat  causa.  Neque  tamen  eorum  maledicentiam  moror,  modo  testatum  sit  lectoribus,  noa  praeter  meritum  alienis  fictisque  criminibus  onerari.  Quando  autem  ubique  docemus,  verum  esse  coenae  finem,  ut  per  Christi  sacrificium  Deo  reconciliati  salutem  consequamur,  nemini  ambiguum  esse  potest  vel  obscurum,  quam  indigne  pietatis  elementa  nobis  excutiant.  Antequam  longius  progredior,  paucis  iterum  monendi  sunt  lectores,  quia  doctrinam  nostram  variis  modis  obscurant  vel  extenuant  Magdeburgenses,  ex  eorum  relatu  non  debere  aestimari.  Errore  an  malitia  id  faciant,  nescio.  Quum  tamen  ad  conflandum  nobis  odium  tota  eorum  tendat  recitatio,  probabile  est,  ubi  pugnando  magis  quam  docendo  attenti  sunt,  non  sincere  nec  fideliter  nobiscum  agere.  Itaque  ne  tenebras  lectorum  oculis  offundant  vel  contorta  eorum  sophismata,  vel  odiosae  quas  nobis  ascribunt  sententiae,  hic  testatum  esse  volo,  non  ita  nos  externa  symbola  a  Christi  carne  et  sanguine  discernere,  [pag.  123]  quin  vere  reque  ipsa  praestet  Christus  atque  impleat  quod  figurat  sub  pane  et  vino:  nempe  carnem  suam  esse  nobis  cibum,  sanguinem  esse  potum.  Fideles  ergo  tradimus  vere  communicare  Christo  in  sacra  coena,  illicque  recipere  quod  offertur  spirituale  alimentum.  Facessant  hic  putidae  calumniae,  nihil  nos  relinquere  praeter  inane  spectrum:  quia  ingenue  antehac  professi  sumus  veritatem  ita  signis  coniunctam  esse,  ut  non  minus  vere  animae  nostrae  spirituali  cibo  pascantur,  quam  panis  et  vinum  lingua  nostra  gustantur.  Tantum  in  modo  dissensio  est,  quia  nos  visibilem  panem  ideo  in  terra  porrigi  sentimus,  ut  fide  sursum  conscendant  fideles,  atque  arcana  spiritus  virtute  Christo  capiti  suo  uniantur.  Etsi  autem  vitam  ex  carne  sua  et  sanguine  nobis  inspirat  Christus,  negamus  tamen  fieri  commixtionem  substantiae  :  quia  dum  vitam  ex  substantia  carnis  et  sanguinis  percipimus,  manet  tamen  integer  homo  Christus  in  coelo.  Hoc  modo  a  nobis  repudiatur  quae  ab  aliis  12*