55:182  iustorum  consecratum,  24.  Et  mediatorem  novi  testamenti  Iesum:  meliora  loquentem  quam  loquebatur  sanguis  Abel.  18.  Non  enim  accessistis.  Alio  argumento  nunc  pugnat.  Nam  praedicat  magnitudinem  gratiae  quae  nobis  patefacta  fuit  per  evangelium,  ut  reverenter  eam  excipere  discamus.  Secundo,  eius  nobis  suavitatem  commendat,  ut  alliciat  in  eius  amorem  ac  desiderium.  Pondus  utrique  addit  ex  comparatione  legis  et  evangelii.  Nam  quo  altius  supra  Mosis  administrationem  excellit  Christi  regnum  et  splendidior  est  nostra  quam  veteris  populi  vocatio:  eo  foedior  nostra  ingratitudo  et  minus  excusanda,  nisi  qua  decet  religione  tantum  bonum  nobis  oblatum  amplectimur,  ac  humiliter  suspicimus  tantam  Ohriti  maiestatem,  quae  hic  apparet.  Deinde  quum  non  se  nobis  formidabilem,  ut  olim  Iudaeis,  Deus  praebeat:  sed  tam  amice  et  comiter  nos  ad  se  invitet:  ita  quasi  duplicatur  ingratitudinis  crimen,  nisi  tam  benignae  invitationi  ultro  studiose  occurrimus.  Primum  ergo  meminerimus  hic  evangelium  cum  lege  conferri:  deinde,  huius  comparationis  duas  esse  partes,  quod  se  Dei  gloria  illustrius  in  evangelio  proferat  quam  in  lege,  et  quod  amabilis  hodie  sit  eius  vocatio,  quum  olim  nihil  praeter  meros  terrores  habuerit.  Ad  montem  qui  tangitur.  Varie  exponunt  hunc  locum:  sed  ergo  terrenum  montem  spirituali  opponi  arbitror  :  atque  huc  spectant  quae  postea  sequuntur  de  igne  accenso,  de  t  u  r  b  i  n  e  et  procella,  et  reliquis.  Haec  enim  signa,  quae  Deus  edidit  ut  legi  suae  fidem  conciliaret  ac  reverentiam,  si  in  se  considerentur,  magnifica  sunt  ac  vere  coelestia:  sed  quum  venitur  ad  regnum  Christi,  quae  illic  Deus  nobis  proponit,  coelos  omnes  superant.  Unde  fit  ut  tota  legis  dignitas  quasi  terrena  esse  incipiat.  Ita  mons  Sinai  manibus  palpari  potest,  mons  vero  Sion  nonnisi  spiritu  comprehenditur.  Quaecunque  Exodi  decimo  nono  referuntur,  fuerunt  visibiles  figurae:  quae  autem  habemus  in  regno  Christi,  a  sensu  carnis  sunt  obscondita.  Si  quis  obiiciat,  spiritualem  illorum  omnium  significationem  fuisse,  et  hodie  etiam  externam  esse  pietatis  exercitia  quibus  in  coelum  evehimur:  respondeo,  apostolum  loqui  secundum  maius  et  minus.  Nemini  autem  dubium  est,  ubi  in  certamen  veniunt  lex  et  evangelium,  quin  praeponderet  in  hac  parte  quod  spirituale  est:  in  illa  autem  priore,  terrena  symbola  magis  emineant.  19.  Qui  audierant  excusarunt.  Hoc  secundum  membrum  est,  in  quo  tractat  legem  evangelio  valde  fuisse  dissimilem,  quia  quum  promulganda  fuit,  omnia  terroribus  variis  plena  erant.  Huc  enim  spectant  quaecunque  legimus  Exodi  decimo  nono,  ut  sciat  populus  Deum  tribunal  conscendere,  quo  12*