51:182  mendam  esse  nostram  audaciam,  quoties  immensa  divinae  praescientiae  altitudo  nobis  proponitur.  Huc  pertinet  quod  divitias  Christi  vocavit  impervestigabiles,  significans  materiam  esse  reverentia  et  admiratione  dignam,  quamvis  sensu  nostro  non  apprehendatur.  Qui  omnia  creavit  per  Christum.  Non  tam  de  prima  creatione  interpretari  libet,  quam  de  instauratione  spirituali.  Tametsi  enim  verum  est  illud,  verbo  Dei  creata  esse  omnia,  quemadmodum  tot  locis  habetur:  circumstantia  tamen  loci  postulat  ut  de  renovatione  intelligamus,  quae  continetur  in  beneficio  redemptionis.  Nisi  forte  quis  argumentum  ducere  malit  a  creatione  ad  renovationem,  hoc  sensu,  per  Christum  Deum  pater  creavit  omnia.  Non  igitur  mirum  si  nunc  gentes  omnes,  ipso  mediatore,  in  integrum  restituat.  Quae  expositio  mihi  non,  displicet.  Simili  argumento  utitur  2.  Cor.  cap.  4,  6,  Deus  qui  iussit  ex  tenebris  lucem  splendescere,  idem  est  qui  illuxit  cordibus  vestris.  Colligit  enim  ex  mundi  creatione  officium  esse  Dei  illuminare  tenebras.  Sed  quod  illic  visibile  fuit,  transfert  ad  spiritum,  ubi  agitur  de  regno  Christi.  10.  Patefieret  principatibus.  De  angelis  hoc  dici,  quidam  absurdum  esse  putant  :  propterea  quod  in  splendore  vultus  Dei  plus  cernunt  quam  ut  talis  ignorantia  illis  conveniat.  Referunt  ergo  ad  diabolos,  sed  inconsiderate.  Quid  enim  egregium  de  evangelio  praedicaret  apostolus,  aut  de  gentium  vocatione,  si  nunc  primum  diabolis  innotuisse  diceret?  Atqui  certum  est,  huc  ipsum  incumbere,  ut  Dei  misericordiam  erga  gentes,  et  simul  evangelii  dignitatem  quam  potest  maxime  amplificet.  Quod  ut  faciat,  testatur,  in  evangelii  praedicatione  in  medium  proferri  multiplicem  Dei  gratiam,  quae  ne  angelis  quidem  coelestibus  semper  nota  fuerit.  Unde  sequitur,  debere  hominibus  esse  plusquam  admirabilem  Dei  sapientiam,  in  eo  quod  gentes  Iudaeis  adiunxit  in  salutis  consortium.  Ideo  rcoXurcoixtXov  vocat,  quia  solent  eam  homines  falso  metiri  una  specie,  dum  totam  et  singulas  eius  partes  minime  capiunt.  Exempli  gratia,  Dei  sapientiam  Iudaei  inclusam  esse  imaginabantur  in  dispensatione  sibi  cognita  et  usitata,  qualis  sub  lege  fuerat.  Deus  autem  aliud  sapientiae  suae  documentum  ac  specimen  deprompsit,  evangelium  omnibus  indifferenter  publicando:  non  quod  nova  fuerit  sapientia,  sed  quod  magis  ampla  est  ac  multiplex  quam  ut  ingenii  nostri  modulo  comprehendatur.  Quare  sciamus,  qualemcunque  eius  notitiam  simus  consequuti,  tenuem  duntaxat  esse  portiunculam.  Quod  si  in  gentium  vocatione  in  coelo  agnoscitur  ab  angelis  et  reverenter  excipitur,  quam  indignum  est  in  terra  ab  hominibus  respui,  vel  despici?  Terum  quod  hinc  alii  colligunt,  interesse  concionibus  angelos,  ut  communiter  nobiscum  proficiant,  speculatio  est  parum  firma.  12*