50:182  1.  Post  annos  quatuordecim.  Vix  possit  quisquam  pro  certo  asserere,  illamne  profectionem  intelligat,  cuius  meminit  Lucas  Actorum  cap.  15,  2.  Imo  potius  in  contrariam  partem  nos  ducit  historiae  contextus.  Quater  enim  Paulum  Ierosolymam  venisse  illic  refertur.  De  primo  adventu  iam  dictum  est.  Secundus  adventus  fuit,  quum  eleemosynas  in  graecis  et  asiaticis  ecclesiis  collectas  pertulit  cum  Barnaba:  quemadmodum  habetur  in  fine  duodecimi  capitis.  De  quo  ut  potius  intelligam  praesentem  locum,  plures  rationes  me  movent  :  nam  alioqui  necesse  foret,  ab  alterutro  falsum  referri.  Deinde  magis  inclinat  coniectura,  Petrum  Antiochiae  fuisse  reprehensum:  quo  tempore  illic  morabatur  Paulus.  Id  autem  erat  antequam  mitteretur  Ierosolymam  ab  ecclesiis,  ad  transigendam  disceptationem  de  caeremoniis  ortam.  Ad  haec  non  est  rationi  consentaneum,  tali  simulatione  usurum  fuisse  Petrum,  si  definita  fuisset  illa  controversia,  publicatumque  apostolorum  decretum.  Hic  autem  Paulus  scribit  se  venisse  Ierosolymam  :  ot  postea  subiungit,  correptam  fuisse  abs  se  Petri  simulationem:  qua  certe  nunquam  usus  fuisset,  nisi  in  rebus  dubiis.  Praeterea  vix  unquam  attigisset  iter  illud  susceptum  communi  fidelium  consensu,  praeterita  causa  et  exitu  tam  memorabili  suppresso.  Ac  ne  satis  quidem  constat  quo  tempore  scripta  fuerit  epistola:  nisi  quod  Graeci  missam  Roma  divinant,  Latini  Epheso.  Ego  autem  non  tantum  scriptam  ante  fuisse  arbitror,  quam  Paulus  Romam  vidisset:  verum  antequam  habita  fuisset  illa  consultatio,  et  de  caeremoniarum  usu  pronuntiassent  apostoli.  Nam  quum  adversarii  falso  praetexerent  apostolorum  nomen,  eoque  maxime  niterentur  ad  gravandum  Paulum:  quantae  negligentiae  fuisset  praetermittere  decretum  passim  divulgatum  apud  omnes,  quo  illi  confodiebantur?  Certe  una  haec  vox  illis  os  obstruebat:  Vos  mihi  apostolos  obiicitis:  atqui  norunt  omnes  quid  iudicaverint:  proinde  impudentis  mendacii  vos  convictos  teneo.  Necessitatem  servandae  legis  quasi  eorum  mandato  imponitis  gentibus:  atqui  eorum  exstat  rescriptum,  quo  conscientias  inde  liberant.  Huc  accedit  quod  initio  corripiebat  Galatas,  quod  tam  cito  ab  evangelio  sibi  tradito  defecerant.  Colligere  autem  promptum  est,  ex  quo  adducti  erant  ad  evangelium,  aliquantum  intercessisse  temporis,  antequam  certamen  illud  de  caeremoniis  fuerit  motum.  Porro  quatuordecim  annos  accipio  non  ab  una  profectione  ad  alteram:  verum  ut  supputatio  semper  a  Pauli  conversione  incipiat.  Ita  undecim  anni  inter  duos  adscensus  interfuerunt.  2.  Adscendi  autem  secundum  revelationem.  Hie  iam  non  operibus  tantum,  sed  divino  etiam  oraculo  apostolatum  suum  et  doctrinam  comprobat.  Nam  quum  iter  illud  Deus  gubernaret,  cuius  causa  erat  doctrinae  eius  confirmatio:  iam  non  consensu  homi-  12*