5:182  tores:  quorum  alter  (Eccles.  17,  1),  quum  hominem  distribuat  in  duas  partes,  corpus  de  terra  sumptum,  et  animam,  ad  quam  refert  Dei  imaginem,  breviter  complexus  est  quod  Moses  longius  prosequutus  fuerat.  Creavit,  inquit,  Deus  hominem,  et  secundum  imaginem  suam  fecit  illum.  Alter  vero  (Sap.  2,  23),  quum  exegetice  vellet  designare,  quo  pertineret  Dei  imago,  vocavit  hominem  inexterminabilem,  qui  creatus  esset  ad  imaginem  Dei.  Quorum  scriptorum  autoritate  adversarios  nostros  non  valde  premerem,  nisi  eos  ipsos  nobis  opponerent.  Qui  tamen  utcunque  aliquo  loco  nobis  esse  debent:  si  non  ut  canonici,  certe  ut  veteres,  ut  pii,  ut  multorum  suifragiis  recepti.  Verum  eos  omittamus,  illam  imaginem  Dei  in  homine  retineamus,  quae,  nisi  in  spiritu,  sedem  habere  non  potest.  Sed  iam,  quae  apertius  de  anima  scriptura  loquitur,  audiamus.  Quum  de  animarum  salute  Petrus  loquitur,  et  quum  carnalia  desideria  militare  adversus  animam  dicit,  et  quum  castificare  animas  nostras  praecipit,  et  Christum  vocat  episcopum  animarum  nostrarum  (1  Petr.  1,  9.  22  et  2,  11.  25),  quid  sibi  vellet,  nisi  animae  essent  quae  salvarentur,  quae  oppugnarentur  a  pravis  desideriis,  quae  castificarentur,  quae  ab  episcopo  suo  Christo  regerentur?  Et  in  historia  Iob  legimus:  Quanto  magis  qui  habitant  domos  luteas,  et  terrenum  habent  fundamentum  (Iob.  4,  19)?  Quod  sane  de  anima  intelligemus  dici,  si  propius  animadvertamus  1),  quae  in  corpore  luteo  habitat.  Non  enim  hominem  vas  luteum  appellavit,  sed  dixit2)  vas  luteum  incolere:  quasi  bona  pars  hominis  (quae  est  anima)  domicilio  illo  terreno  contineatur.  Sic  Petrus:  Iustum,  inquit,  arbitror,  quamdiu  sum  in  hoc  tabernaculo,  excitare  vos  per  commonitionem:  quum  sciam  brevi  futurum,  ut  deponam  hoc  meum  tabernaculum  (2  Petr.  1,  13).  Qua  loquendi  forma,  nisi  valde  stupidi  sumus,  possumus  intelligere  et  aliquid  esse  in  tabernaculo  et  aliquid  quod  exuatur  tabernaculo  :  vel  (ut  ait  ipse)  tabernaculum  deponat.  Eandem  distinctionem  carnis  a  spiritu  manifestam  statuit  autor  epistolae  ad  Hebraeos:  quum  parentes  carnis  nostrae,  a  quibus  geniti  sumus,  nominat:  unum  autem  Deum,  patrem  spirituum  (Hebr.  12,  9).  Et  paulo  post  (ibid.  12,  22),  quum  regem  coelestis  Ierusalem  Deum  nominasset,  subiicit  cives,  angelos,  et  spiritus  iustorum  perfectorum.  Nec  video  quomodo  aliter  intelligi  possit  illud  Pauli  (2  Cor.  7,  1):  Has  igitur  habentes  promissiones,  mundemus  nos  ab  omni  inquinamento  carnis  et  spiritus.  Nam  satis  constat,  illic  non  esse  collationem,  qua  alibi  uti  solet:  quum  1)  Sic  sola  Ed,  1542,  adstzpulante  versione  gallica:  Si  nous  considerons  cela  de  bien  pres,  ii  le  faut  entendre  de  1'ame.  Caeterae  legunt:  Quod  sane  de  anima,  si  proprius  animadvertas,  dici  intelliges  2)  dicit  1552  seqq,  (ii  a  rlit)  12*