30:182  peccavit,  nihilominus  eadem  potione  depelli  alios  morbos  posse  sibi  persuadebit.  Atque  ita  fit,  ut  si  experientia  duorum  aut  trium  aliquid  comprobatum  sit  alicui  utile,  qui  rerum  istarum  notitiam  non  habent,  arbitrentur  omnibus  naturis  et  personis  idem  convenire,  et  quod  adversus  aliquem  morbum  profuit,  idem  adversus  omnes  profuturum.  Sane  quod  ad  musicam  attinet,  non  caret  ratione  quod  animus  afflictus  reereetur  et  reficiatur,  quoniam  mali  apprehensio  harmonico  concentu  tolli  potest,  vel  mitigari  :  at  non  ipse  morbus,  qui  non  ita  vinci  musica  vel  citharae  vel  alterius  instrumenti  sono  potest,  ut  non  amplius  saeviat  in  hominem.  Ergo  ex  istis  apparet  servos  Saulis  non  ratione,  neque  consilio,  sed  ex-vulgata  hominum  opinione  consilium  istud  regi  suppeditasse,  quum  suaserunt,  ut  virum  aliquem  quaereret  qui  bene  citharam  pulsaret.  Deus  vero  licet  consilio  isti  felicem  successum  dederit,  tamen  non  temere  imitandum  est:  quandoquidem  temere  Saulis  servi  illud  inierunt:  ut  solent  aulici  ad  gratiam  sibi  conciliandam,  suumque  amorem  et  benevolentiam  erga  dominos  testandam,  quidquid  in  buccam  venerit  effutire.  Porro  quum  dicitur  malum  quo  Saul  affligebatur  allevatum  Davide  citharam  pulsante,  conspicimus  profuisse  ipsi  consilium  illud,  sed  speciali  privilegio  et  favore  Domini:  ut  non  sit  inferendum  propterea  Deum  eodem  semper  modo  cum  omnibus  acturum:  et  ne  temere  quaelibet  exempla  cogitemus  imitari.  Quis  enim,  exempli  gratia;  quum  audit  Dominum  nostrum  Iesum  Christum  caeco  cuidam  oculorum  usum  redditurum  inspuisse  in  manum,  et  lutum  macerasse,  quo  deinde  levit  oculos  illius,  et  visum  dedit,  sputum  existimet  aut  lutum  habere  vim  illuminandi,  et  usurpandum  factum  illud,  ut  papistas  fecisse  videmus?  Sane  idem  fuerit  ac  si  quis  aquam  igni  miscere  velit.  Ecquis  igitur  ex  hoc  facto  speciali,  quo  Saulis  furorem  harmonico  Davidis  concentu  fuit  placatus,  existimet  vim  quandam  sanandi  furorem  habuisse  Davidis  citharam?  Sane  non  ea  fuit  vis  citharae,  non  musices  aut  aliorum  organicorum  instrumentorum,  ut  pellere  diabolos  et  coniurare  possent:  sed  Dei  voluntas  efficaciam  illis  ad  hoc  efficiendum  dedit.  Atque  haec  saepe  consiliorum  divinorum  ratio  est,  ut  obliquis  mediis  ad  suum  opus  perficiendum  utatur.  Nonnunquam  accidit,  ut  qui  iustitiae  et  aequitati  studuerit  et  se  totum  tradiderit,  tempus  et  operam  lusisse  videatur,  et  labor  ac  conatus  irritus  videatur,  quem  tamen  Deus  fortunabit,  ut  in  eo  Dei  manifestum  opus  appareat.  Sed  quamdiu  ex  nostri  sensus  iudicio  mediis  obliquis  nos  agit  transversos  illudere  conatibus  videtur.  Exempli  gratia,  Davidemne  oportebat  ut  in  regiam  dignitatem  eveheretur  citharam  pulsare?  an  inde  aliquod  potuit  sperare  adiumentum  ad  dignitatem  illam  consequendam?  Erat  12*