29:182  sepulchre  de  Moyse  legislateur:  mais  cela  est  trop  froid,  et  n'est  pas  digne  d'estre  recite,  combien  qu'on  se  tienne  la.  Et  pourquoy?  On  n'estoit  pas  asseure  du  sens,  qui  est  neantmoins  tant  convenable  que  rien  plus.  Car  pourquoy  est-ce  que  l'excuse  de  Moyse  est  ici  comprinse?  c'est  qu'il  y  aura  portion  de  Dieu  en  ce  pays-la:  comme  s'il  estoit  dit,  que  Gad  a  este  conduit  d'une  bonne  prudence,  quand  il  a  demande  son  habitation  outre  le  Iordain.  Si  on  repliquoit:  Et  comment?  Dieu  ne  vouloit-il  point  reserver  de  distribuer  l'heritage  a  son  peuple  par  la  main  de  Iosue?  Et  puis,  ne  falloit-il  pas  que  le  pays  fust  conqueste  auparavant?  Cela  n'estoit  point  advenu.  Il  y  a  eu  donc  ici  de  la  temerite,  ou  pour  le  moins  un  appetit  trop  hastif.  Si  on  replique:  Moyse  dit,  que  la  portion  estoit  cachee,  et  l'appelle  portion  du  Legislateur:  en  quoy  il  signifie  que  Gad  n'a  rien  attente  que  ce  qui  luy  estoit  licite  et  permis.  Car  on  a  cogneu  que  Dieu  d'une  facon  extraordinaire  vouloit  que  ceste  terre-la  fust  occupec,  qu'on  la  possedast,  qu'on  la  fist  valloir,  qu'on  en  tirast  le  profit,  cependant  que  tout  le  peuple  iroit  conquester  la  terre  de  Canaan.  Ainsi  ce  mot  de  Legislateur  se  peut  mieux  rapporter  a  Dieu  qu'a  Moyse.  Car  moyennant  que  Dieu  soit  obei,  tout  ira  bien:  les  hommes  trouveront  a  redire  a  ce  que  nous  aurons  fait,  mais  qu'il  nous  suffise  d'avoir  Dieu  pour  nostre  garent,  quand  nous  ne  l'aurons  point  offense,  et  que  nous  ne  serons  point  contrevenus  a  ce  qu'il  ordonne.  L'intention  donc  de  Moyse  est,  que  Gad  a  cogneu  qu'il  ne  demandoit  rien,  sinon  ce  qui  estoit  conforme  au  conseil  de  Dieu:  et  qu'en  cela  il  n'est  point  reprehensible,  puis  qu'il  a  suyvi  ce  que  Dieu  avoit,  desia  ordonne.  Et  puis  il  met  portion  cachee,  signifiant  qu'il  n'a  point  ravi  sa  part:  mais  qu'il  Ta  prinse  comme  ce  qui  luy  appartenoit,  et  ce  qui  luy  estoit  legitime.  Car  combien  que  cela  ne  luy  soit  point  escheu  par  sort,  mais  du  consentement  du  peuple  et  de  toutes  les  lignees:  tant  y  a  neantmoins  que  Dieu  a  declaire  qu'il  vouloit  qu'ainsi  fust,  et  que  cela  a  este  bon.  Et  pourquoy?  Car  c'est  une  portion  cachee,  c'est  a  dire,  que  Dieu  l'avoit  destinee  a  cest  usage-la,  et  qu'il  ne  vouloit  point  qu'on  suyvist  en  cest  endroict  la  reigle  commune:  qu'il  ne  vouloit  point  qu'on  attendist  que  les  partages  communs  fussent  faits  par  sort.  Et  la  dessus  il  dit  qu'il  viendra  avec  les  Princes,  c'est  a  dire,  avec  le  reste  des  lignees,  pour  faire  la  iustice  de  Dieu  et  son  iugement  a  Israel  :  qu'il  ne  sera  point  retenu  quand  il  habitera  en  ce  pais  pour  tromper  ses  freres,  et  leur  defaillir  au  besoin:  mais  voyant  qu'ils  pourroyent  habiter  en  pays  gras  et  fertile,  que  neantmoins  il  ne  iouyra  point  de  sa  condition,  mais  suyvra  la  guerre  iusques  a  ce  que  tout  soit  fini,  et  que  le  Seigneur  donne  repos  a  toutes  les  lignees.  12*