27:182  mis  enserrez,  combien  qu'ils  soyent  a  l'environ  de  nous,  toutesfois  il  ne  permet  pas  qu'ils  nous  viennent  rien  changer  pour  nous  inquieter:  et  cependant  nous  ne  pouvons  demeurer  coys.  Notons  bien  donc  d'autant  que  Dieu  nous  fait  la  grace  que  nous  ayons  liberte  de  le  servir  purement,  qu'il  nous  faut  aussi  tenir  paisibles  sous  son  obeissance,  sans  attenter  rien  qui  soit.  Or  les  Papistes  en  ceci  ont  bien  monstre  qu'ils  ne  pouvoyent  s'assuiettir  nullement  a  Dieu,  et  que  leur  intention  n'est  pas  de  luy  rendre  aucune  obeissance.  Car  en  premier  lieu  ils  n'ont  pas  regarde  ce  que  Dieu  signifioit  par  les  figures  anciennes  de  la  Loy,  ils  ont  ensuyvi  ce  que  Moyse  avoit  commande  des  luminaires  et  periuros,  et  des  accoustremens.  Et  pourquoy?  Car  ils  n'ont  point  cogneu  que  tout  cela  se  rapportoit  a  nostre  Seigneur  Iesus  Christ:  ils  ont  este  plus  brutaux  beaucoup  que  les  Iuifs,  qui  n'avoyent  nulle  foy.  Car  pour  le  moins  les  Iuifs  se  tenoyent  tousiours  a  la  reigle  qui  leur  estoit  donnee.  Il  est  vray  qu'ils  ne  savoyent  point  le  vray  usage  des  ceremonies:  mais  cependant  si  avoyent-ils  commandement  expres  de  Dieu,  et  n'eussent  rien  ose  attenter  a  l'encontre.  Mais  les  Papistes  apres  que  Iesus  Christ  est  apparu,  qu'il  a  accompli  toutes  les  choses  qui  estoyent  signifiees  anciennement,  ils  ont  ruine  du  tout  ce  bon  fondement,  et  solide,  et  ont  mis  sous  le  pied  la  mort  et  passion  qu'il  a  enduree.  Ils  s'en  vont  prendre  des  luminaires.  Et  quoy?  Le  sainct  Esprit  est  apparu  visiblement  en  la  personne  de  nostre  Seigneur  Iesus  Christ:  et  puis  finalement  sur  les  Apostres,  afin  de  nous  monstrer  que  nous  ne  devons  plus  cercher  ces  figures  externes,  d'autant  que  nous  avons  la  verite  et  la  substance.  Mais  quoy?  Les  Papistes  ont  aneanti  la  grace  infinie  de  Dieu,  et  s'en  sont  mocquez  pleinement:  ils  ont  voulu  sacrifier,  et  ont  accoustre  leurs  prestres,  les  desguisans  comme  pour  iouer  une  farce:  et  tout  cela  n'est  que  badinage,  car  il  n'est  point  commande  de  Dieu,  et  avec  ce  ils  le  font  comme  par  despit.  Dieu  avoit  establi  tout  ce  qui  se  faisoit  en  la  Loy:  et  ceux-ci  viennent  redresser  une  facon  nouvelle  dont  il  n'a  iamais  parle.  Et  puis,  ils  viennent  mettre  au  lieu  de  nostre  Seigneur  Iesus  un  homme  mortel:  et  l'office  du  Fils  de  Dieu  n'est-elle  point  assez  cogneue  et  patente,  sans  qu'on  la  figure  par  des  accoustremens  nouveaux?  C'est  comme  si  on  monstroit  une  peinture  d'un  homme,  et  qu'il  fust  la  en  propre  personne,  et  qu'on  dist:  Regardez  ceste  peinture-la:  et  l'homme  y  est  qui  se  peut  beaucoup  mieux  monstrer.  Et  ainsi  les  Papistes  mettent  la  peinture  de  Iesus  Christ.  Il  est  nomme  l'image  vive  de  Dieu.  Encores  que  le  Pere  en  sa  maieste  soit  incomprehensible,  si  est-ce  qu'il  s'est  monstre  en  la  personne  de  son  Fils,  tellement  que  12*