1:182  [CO  1.  182]  tati  serviret.  Soleo  eiusmodi  vota  appellare  caritatis,  non  pietatis;  hoc  est,  non  suscepta  ad  cultum  aliquem  Dei,  sed  ad  tolerandam  infirmorum  ruditatem,  [OS  208]  quemadmodum  ipse  ait:  Iudaeis  se  Iudaeum  factum  et  caetera  (1  Cor.  9).  Sed  hoc  faciebat,  ut  Iudaeis  se  ad  tempus  accommodaret.  Isti,  cum  Nazaraeorum  purificationes  nullo  usu  imitari  volunt,  quid  aliud  quam  alterum  Iudaismum  erigunt?  (Num.  6).  Eadem  religione  decretalis  illa  epistola  composita  est,  quae  prohibet  1)  clericis,  iuxta  apostolum,  ne  comam  nutriant,  sed  instar  sphaerae  radant;  quasi  apostolus  (1  Cor.  11)  docens  quid  viris  omnibus  decorum  sit,  de  sphaerica  clericorum  rasura  sollicitus  fuerit.  Hinc  lectores  reputent,  quales  sint  alii  ordines,  quibus  talis  est  ingressus.  Verum  hoc  omnem  stultitiam  superat,  quod  in  singulis  Christum  sibi  collegam  faciunt.  Primum,  inquiunt,  ostiarii  munere  functus [p. 373]  est,  quando  vendentes  et  ementes  flagello  ex  funiculis  facto  e  templo  eiecit,  et  ostiarium  se  esse  significat,  cum  dicit:  ego  sum  ostium  (Matth.  21.  Ioan.  2.  10).  Lectoris  munus  assumpsit,  cum  in  synagoga  Iesaiam  legit  (Luc.  4).  Exorcistae  officio  usus  est,  cum  linguam  et  aures  surdi  et  muti  saliva  tangens,  auditum  reddidit  (Marc.  7).  Acolythum  se  esse  iis  verbis  testatus  est:  qui  sequitur  me,  non  ambulat  in  tenebris  (Ioan.  8).  Subdiaconi  officio  usus  est,  cum  linteo  praecinctus,  pedes  discipulorum  lavit  (Ioan.  13).  Diaconi  personam  sustinuit,  cum  corpus  et  sanguinem  distribuit  apostolis  in  coena  (Matth.  26).  Sacerdotis  partes  implevit,  cum  in  cruce  hostiam  se  patri  obtulit  (Matth.  27).  Haec  absque  risu  adeo  audiri  non  possunt,  ut  mirer  absque  risu  scripta  esse,  si  tamen  homines  erant  qui  scribebant.  Sed  in  primis  spectabilis  est  argutia,  qua  in  acolythi  nomine  philosophantur,  ceroferarium  appellantes;  verbo,  ut  arbitror,  magico,  certe  inaudito  gentibus  ac  linguis  omnibus,  cum  ἀκόλοθος  Graecis  simpliciter  significet  pedissequum.  Quanquam  si  his  serio  refellendis  inhaeream,  iure  et  ipse  quoque  ridear,  adeo  frivola  sunt  et  ludicra.  Ne  tamen  mulierculis  adhuc  fucum  faciant,  traducenda  est  obiter  eorum  vanitas.  Creant  eximia  pompa  ac  solennitate  suos  lectores,  psalmistas,  ostiarios,  acolythos,  ad  ea  ministeria [p. 374]  exequenda,  quibus  vel  pueros,  vel  certe  quos  vocant  laicos  praeficiunt.  Quis  enim  cereos,  ut  plurimum,  accendit,  quis  urceolo  vinum  et  aquam  infundit,  nisi  puer,  aut  ex  laicis  sordidulus  aliquis  qui  ex  ea  re  quaestum  facit.  Nonne  iidem  canunt,  nonne  tem-  [OS  209]  plorum  ianuas  claudunt  et  aperiunt?  Quis  enim  in  eorum  templis  unquam  vidit,  vel  acolythum,  vel  ostiarium  suis  partibus  fungentem?  Quin  potius,  1)  Dist.  23.  c.  prohibete.  12*