9:181  181  AD  WESTPHALUM.  182  vini  cum  Christi  carne  et  sanguine:  deinde  cum  promissione  salutis  et  mandato,  quo  iubentur  omnes  sacramentum  hoc  sumere.  Dictum  Augustini  libenter  amplector,  ex  elemento  fieri  sacramentum  simulac  verbum  accedit:  sed  Magdeburgenses  confuse  ac  perperam  coenae  effectum  vel  fructum  miscent  cum  ipsa  materia.  Et  ex  contextu  plus  satis  apparet  eos  a  sua  distinctione  excidere.  Nam  dissidium  inter  se  et  nos  paulo  post  volentes  notare,  dicunt  nos  tollere  materiae  partem:  quo  facile  eoram  incogitantia  deprehenditur.  Quam  dextre  colligant,  secundum  nos  figuras  tantum  et  symbola  proponi,  opportunius  suo  loco  videbitur.  In  praesentia  tantum  observent  lectores,  methodicos  istos  doctores  qua  de  re  loquantur  non  tenere,  neque  ad  distinctionem  attendere  tertio  ante  versu  a  se  positam.  Quod  etiam  addunt,  nos  a  sententia  sua  [pag.  119]  discrepare,  quia  fidem  volumus  ad  promissiones  referri,  non  in  corporalem  Christi  praesentiam,  neque  nihil  est,  neque  totum:  neque  enim  promissio,  ad  quam  fideles  revocamus,  quam  offert  carnis  et  sanguinis  Christi  communicationem  excludit:  sed  quia  ab  ea  pendet  rei  promissae  exhibitio,  animos  iubemus  in  ea  defixos  esse.  Hoc  modo  fatemur  non  nudas  in  sacramentis  promissiones  esse,  sed  rerum  exhibitione  vestitas,  quia  vere  nos  Christi  participes  faciunt.  Miraculum  quale  fingunt  Magdeburgenses,  alienum  a  doctrina  nostra  esse  satis  notum  est:  ut  scilicet  corpus  suum  Dominus  sub  pane,  et  sanguinem  sub  vino  sistat:  modum  tamen  communicationis  a  nobis  mirabilem  et  supernaturalem  statui  peraeque  notum  est.  Sed  quia  hoc  totum  proprium  est  secundi  membri  et  intempestive  hic  ingeritur,  non  longius  prosequar.  Nam  quod  addunt,  non  modo  verbum  audibile  spectandum  esse,  sed  visibilia  signa,  quae  [pag.  120]  ideo  Augustinus  visibilia  verba  nuncupat,  minime  nobis  adversum  est:  qui  ubique  docemus  signa  appendices  esse  et  sigilla  verbi.  Simplicior  ergo  et  rectior  erit  haec  definitio  causae  formalis,  esse  mandatum  quo  Christus  ad  sacri  symboli  participationem  nos  invitat,  promissione  addita.  In  causa  etiam  finali  tam  perplexe  ab  illis  res  varias  involvi,  propositae  methodo  repugnat.  Promittunt  enim  tituli,  concinnum  et  pulcherrimum  distinctionis  ordinem:  postea  suggeritur  indigesta  moles.  Sed  quia  mihi  propositum  non  est  docendi  quam  tenent  rationem,  licet  displiceat,  traducere  :  tantum  calumnias  quibus  iniuste  gravamur,  breviter  diluere  sufficiet.  Diligenter  considerari  volunt  quod  promissio  gratiae  non  ad  esum  panis  solius,  sed  ad  Christi  corpus  adiecta  sit:  ut  contra  nos  doceant,  non  applicari  remissionem  peccatorum  per  sola  symbola.  Atqui  multis  ante  annis  quam  sic  loquuti  essent,  me  scripsisse  testis  est  [pag.  121]  mundus,  quia  bonis  Christi  non  communicamus  donec  ipse  noster  sit,  qui  legitimum  ex  coena  fructum  percipere