6:181  ET  OHANTZ  ECCLESIASTIQUES.  au  Seigneur  en  penitence  et  amendement  de  vie,  et  en  vraye  humilite  le  prier:  afin  d9obtenir  pardon.  A  ceste  cause,  si  nous  voyons  quelques  fois,  que  Dieu  nous  menace:  afin  de  ne  tenter  sa  patience,  plustost1)  prevenir  son  iugement,  lequel  aultrement  nous  voyons  estre  lors  appareille:  il  est  bon  d'avoir  un  iour  ordonne  toutes  les  sepmaines,  auquel  speeialiement  ces  choses  sont2)  remonstrees;  auquel3)  on  face  prieres  et  supplications  selon  l'exigence  du  temps.  Dont  s'ensuit  une  forme  propre  a  cela.  Pour  le  commencement  du  sermon,  il  y  a  la  confesse*)  generalle  des  Dimanches,  cy  dessus  mise.  En  la  fin  du  sermon,  ayant  faict  les  remonstrances,  comment  Dieu  afflige  maintenant  les  hommes  a  cause  des  choses,5)  qui  se  commettent  sur  toute  la  terre,  et  que  le  monde  est  abandonne  a  toute  iniquite:  apres  aussi  avoir  exhorte  le  peuple  a  se  reduire  et  amender  sa  vie,  pareillement  a  prier  Dieu,  pour  impetrer  mercy:  on  use  de  la  forme  d'oraison  qui  s'ensuit.  Dieu  tout  puissant,  Pere  celeste,  nous  recongnoissons  en  nousmesmes,  et  confessons  comme  la  verite  est,  que  nous  ne  sommes  pas  dignes  de  lever  les  yeulx  au  Ciel,  pour  nous  presenter  devant  ta  Face:  et  que  nous  ne  devons  pas  tant  presumer,  que  noz  oraisons  doyvent  estre6)  exaulcees  de  toy,  si  tu  regarde  ce  qui  est  en  nous.  Car  noz  consciences  nous  accusent  et  noz  pechez  rendent  tesmoignage  contre  nous:  et  nous  scavons  que  tu  es  iuste  Iuge,  qui  ne  iustifie  pas  les  pecheurs  et  iniques:  mais  punis  les  faultes  de  ceux  qui  ont  transgresse  tes  commandemens.  Ainsi,  Seigneur,  en  considerant  toute  nostre  vie,  nous  sommes  confus  en  noz  coeurs:  et  ne  pouvons  aultre  chose,  sinon  nous  abattre  et  desesperer,  comme  si  nous  estions  desia  es  abismes  de  mort.  Toutesfois,  Seigneur,  puis  qu'il  t'a  pleu,  par  ta  misericorde  infinie,  de  nous  commander,  que  nous  t'invoquions,  mesmes  du  profond  des  enfers:  et  d'autant  plus  que  nous  defaillons  en  nousmesmes,  que  nous  ayons  nostre  recours  et  refuge7)  a  ta  souveraine  bonte:  puis  aussi,  que  tu  nous  as  promis  de  recevoir  noz  requestes  et  supplications,  non  point  en  considerant,  que  ce  soit  de8)  nostre  propre  dignite;  mais  au  Nom  et  par  le  merite  de  nostre  Seigneur  Iesus  Christ,  lequel  tu  nous  as  constitue  Intercesseur  et  Advocat,  renonceant  a  toute  1)  1547  ss.:  mais  plustost.  2)  1558-1566:soyent.  3)  1558  suiv.:  et  auquel.  4)  1545.1558.  1562:  confession.  5)  1547  ss.  :  crimes.  6)  1547  ss.:  soyent.  7)  recours  et,  manque  1547  ss.  8)  1542.  1545:  que  ce  soit  de;  1547  ss.:  quelle  est.