55:181  181  CAPUT  XII.  182  idem  illis  quoque  accidat.  Et  certe  quotidie  multa  severitatis  Dei  exempla  cernere  licet,  quibus  ludibria  et  sannas  profanorum  hominum  vindicat.  Nam  quum  sibi  crastinum  semper  promittant,  novo  et  improviso  mortis  genere  saepe  eos  repente  e  medio  tollit  :  quum  fabulosum  esse  ducant  quidquid  audiunt  de  Dei  iudicio,  eos  ita  persequitur  ut  cogantur  agnoscere  iudicem  :  quum  stupidas  habeant  conscientias,  diros  postea  cruciatus  sentiunt  huius  stuporis  vindices.  Tametsi  autem  non  accidit  hoc  omnibus:  quia  tamen  periculum  est  ne  accidat,  merito  omnes  monet  apostolus  ut  caveant.  Altera  etiam  quaestio  occurrit  :  an  poenitentia  sua  nihil  proficiat  peccator  quisquis  ea  praeditus  erit.  Videtur  enim  hoc  innuere  apostolus,  quum  tradit  nihil  ipsi  Esau  profuisse  suam  poenitentiam.  Respondeo,  poenitentiam  hic  non  pro  sincera  ad  Deum  conversione  accipi:  sed  tantum  pro  terrore  quo  Dominus  impios  percellit,  postquam  diu  in  sua  nequitia  delitiati  sunt.  Porro  mirum  non  est  si  inutilis  dicatur  hic  terror:  quia  interim  neque  resipiscunt,  neque  oderunt  sua  vitia,  sed  tantum  poenae  sensu  cruciantur.  Idem  et  de  lacrymis  dicendum  est:  Quoties  ingemuerit  peccator,  paratus  est  Dominus  ad  dandam  veniam:  nec  frustra  unquam  quaeritur  Dei  misericordia,  quoniam  pulsanti  aperietur.  Terum  quia  lacrymae  Esau  desperati  hominis  fuerant,  non  dirigebantur  ad  Deum  :  sic  impii  utcunque  deplorent  sortem  suam,  conquerantur,  eiulspnt,  non  tamen  pulsant  ad  Dei  ianuam:  quia  hoc  Seri  non  potest  nisi  fide.  Atqui  quo  gravius  pungit  eos  conscientia,  eo  magis  adversus  Deum  fremunt,  illique  succensent.  Cuperent  quidem  accessum  sibi  dari  ad  Deum  :  sed  quia  nonnisi  eius  iram  apprehendunt,  eius  conspectum  fugitant.  Ita  saepe  videmus,  eos  qui  per  iocum  dictitant  satis  opportunam  inter  extremos  spiritus  poenitentiam  fore,  quum  eo  ventum  est,  inter  saeva  tormenta  clamitare  non  iam  esse  obtinendae  gratiae  tempus:  se  enim  exitio  esse  devotos,  quia  nimis  sero  Deum  quaesierint.  Interdum  quidem  erumpunt  in  has  voces,  O  si,  o  si:  sed  mox  desperatio  omnia  illorum  vota  abrumpit,  faucesque  illis  praecludit,  ne  longius  procedant.  18.  Non  enim  accessistis  ad  mortem  qui  tangatur,  vel  ignem  accensum,  ac  turbinem,  et  caliginem,  et  procellam,  19.  et  tubae  sonitum,  et  vocem  verborum  :  quam  qui  audierant,  excusarunt,  ne  illis  proponeretur  sermo.  20.  Non  enim  ferebant  quod  edicebatur,  Etiamsi  bestia  tetigerit  montem,  lapidabitur,  aut  iaculo  configetur.  21.  Ac  sic  terribile  erat  visum  quod  apparuit,  Moses  dixit:  Expavefactus  sum,  et  tremefactus.  22.  Sed  accessistis  ad  Sion  montem,  civitatem  Dei  viventis,  Ierusalem  coelestem,  23.  Et  ad  conventum  innumerabilium  angelorum,  et  ecclesiam  primogenitorum  qui  scripti  sunt  in  coelis,  et  iudicem  omnium  Deum,  et  spiritus