50:181  181  CAPUT  II.  182  est  tanta  eum  contentione  insistere.  Ante  enim  vidimus  quid  machinarentur  impostores  nomen  et  honorem  apostoli  illi  detrahendo.  Caeterum  notandae  sunt  nobis  formulae  iurandi,  quas  sancti  usurpant:  ut  intelligamus  iuramento  nihil  aliud  agi,  nisi  ut  fidem  ac  veritatem  dictorum  factorumque  nostrorum  ad  Dei  iudicium  revocemus.  Quam  actionem  necesse  est  ut  religio  timorque  Dei  gubernet.  22.  Eram  facie  ignotus.  Videtur  mihi  hoc  esse  additum,  quo  magis  obtrectatorum  suorum  malevolentiam  et  malignitatem  amplificet.  Nam  si  solus  auditus  cominovebat  iudaicas  ecclesias,  ut  Deo  darent  gloriam,  quod  ita  magnifice  operatus  esset  in  Paulo:  quam  indignum  est,  eos  quibus  conspicuae  sunt  ab  effectu  mirificae  eius  virtutes,  non  idem  agere?  Si  sola  fama  illis  sufficiebat,  cur  isti  conspectu  rerum  non  sunt  contenti?  Expugnasse  fidem  dicitur,  non  quia  sit  per  se  expugnabilis  fides,  sed  quod  eam  in  hominibus  infirmis  destruebat.  Praeterea  conatus  magis  respicitur  quam  effectus.  24.  Glorificabant  in  me.  Hoc  luculentum  signum  erat,  approbari  ab  omnibus  Iudaeae  ecclesiis  eius  ministerium  :  et  ita  approbari,  ut  cum  admiratione  et  laude  agnoscerent  eximiam  Dei  virtutem.  Ita  oblique  perstringit  malevolos,  quod  suo  livore  et  calumniis  hoc  tantum  proficiant,  ut  obscurent  Dei  gloriam,  quam  apostoli  agnoverant  et  palam  confessi  erant  in  Pauli  apostolatu  fulgere.  Interim  tamen  nobis  obiter  hic  praescribitur  regula,  qualiter  debeamus  sanctos  Domini  suspicere.  Nam  quae  nostra  est  vel  pravitas,  vel  ingratitudo,  vel  propensio  ad  superstitionem  :  quos  Dei  donis  ornatos  conspicimus,  illos  deorum  instar  colimus,  immemores  a  quibus  acceperint.  Itaque  admonemur  hoc  loco,  potius  in  autorem  oculos  coniicere,  ut  illi  adscribamus  quod  suum  est.  Et  simul  docemur,  quod  Paulus  ex  hoste  factus  erat  minister,  materiam  fuisse  laudandi  Dei.  CAPUT  II.  1.  Deinde  post  annos  quatuordecim  adscendi  rursus  Ierosolymam  una  cum  Barnaba,  assumpto  simul  et  Tito.  2.  Adscendi  autem  secundum  revelationem  et  contuli  cum  illis  evangelium,  quod  praedico  inter  gentes.  Privatim  vero  cum  iis  qui  in  pretio  erant,  ne  quo  modo  in  vanum  currerem,  aut  cucurrissem.  3.  Sed  neque  Titus,  qui  mecum  erat,  quum  esset  Graecus,  compulsus  fuit  circumcidi,  4.  propter  subingressos  falsos  fratres,  qui  subintroierant  ad  explorandum  libertatem  nostram,  quam  habemus  in  Christo  Iesu:  quo  nos  in  servitutem  adigerent  5.  Quibus  ne  ad  horam  quidem  cessimus  per  subiectionem,  ut  veritas  evangelii  maneret  apud  vos.