5:181  PSYCHOPANNYCHIA.  mus  quoque  incidit,  dum  nimia  contentione  provehitur  contra  insanos  anthropomorphitas.  Sed  scriptura  non  patitur  sic  se  eludi.  Nam  Moses,  ne  quis  in  hominis  carne  hanc  imaginem  constitueret,  prius  e  limo  terrae  corpus  formatum  narrat,  sed  nullam  imaginem  Dei  referens.  Deinde  ait  inditum  luteo  corpori  vitae  spiraculum:  ut  tum  demum  eluceret  in  homine  Dei  imago,  quum  omnibus  suis  partibus  constaret.  Quid  igitur?  dixerit  aliquis,  an  spiraculum  illud  vitae,  imaginem  esse  Dei  putas?  Non  sane.  Quanquam  id  cum  multis,  nec  fortasse  improbe,  dicere  poteram.  l)  Quid  enim,  si  contendam  verbo  Dei  constitutum  discrimen,  quo  istud  vitae  spiraculum  a  beluarum  animis  distinguatur?  Unde  enim  habent  ortum  aliorum  animalium  animae?  Producat  (inquit  Deus)  terra  animam  viventem,  et  caetera.  Ita  in  terram  resolvantur,  quae  de  terra  emerserunt.  Anima  vero  hominis  non  de  terra  est,  sed  ex  ore  Domini:  hoc  est  ex  virtute  secreta.  Sed  hic,  inquam,  non  haereo,  ne  pugnam  mihi  faciant:  sed  unum  tantum  obtinere  volo:  imaginem  ipsam  esse  extra  carnem;  alioqui,  non  admodum  praeclarum  foret  elogium  hominis,  quod  ad  imaginem  Dei  factus  sit:  quod  tamen  nobis  tantopere  scripturis  commendatur,  ac  subinde  repetitur.  Quid  enim  opus  erat,  Deum  deliberantem  inducere,  et  quasi  in  consilium  mittere,  si  vulgare  aliquid  facturus  erat?  Nam  reliqua  omnia  ut  essent,  dixit,  et  facta  sunt.  Quum  ad  hanc  imaginem  ventum  est,  velut  singulare  specimen  editurus,  sapientiam  suam  et  virtutem  advocat,  et  secum  cogitat,  antequam  manum  admoveat  operi.  Hos  ergo  loquendi  tropos,  qui  ἀνθρωποπαθῶς,  ad  balbutiei  nostrae  modulos,  Dominum  ἀνεξερεύνητον  nobis  figurant,  an  de  nihilo  tam  anxie  Moses  affectavit?  ac  non  potius  imaginem  Dei,  quae  in  homine  relucet,  magnifice  commendavit?  nec  semel  dixisse  contentus,  saepius  reperit.  Quidquid  nugentur  vel  philosophi,  vel  isti  somniatores,  habemus  nihil  esse  quod  imaginem  Dei  ferat,  nisi  spiritum,  ut  Deus  spiritus  est.  Hic  non  est  agendum  coniecturis,  ut  inquiramus,  quae  sit  huius  imaginis  similitudo  ad  suum  archetypum:  quando  id  facile  ex  apostolo  (Col.  3,  10)  discere  licet:  qui  dum  praecipit  ut  induamus  novum  hominem,  qui  renovatur  in  agnitione,  secundum  imaginem  eius  qui  creavit  illum,  liquido  ostendit,  quae  sit  haec  imago,  aut  in  quo  consistat.  Et  alibi  (Ephes.  4,  24)  dum  scribit:  Induite  novum  hominem,  qui  secundum  Deum  creatus  est,  in  iustitia  et  sanctitate  veritatis.  Quae  omnia  quum  uno  verbo  comprehendere  volumus,  dicimus  hominem,  secundum  spiritum,  factum  esse  participem  sapientiae,  iustitiae  [fol.  5]  et  bonitatis  Dei.  Hoc  sequuti  sunt  duo  sacri  scrip-  1)  Hilarius  m  Psal.  63.  Augustinus  libro  de  spiritu  et  anima  c.  39.  Basilms  Hexaem.  hom,  8.