29:181  181  SUR  LE  DEUTER.  CHAP.  XXXIII.  182  qu'il  falloit  que  ce  peuple-la  fust  exerce  en  divers  combats,  mais  que  tousiours  Dieu  luy  aideroit,  et  luy  donneroit  moyen  de  renverser  ses  ennemis.  Et  pourtant  apprenons  qu'encores  que  nostre  Seigneur  permette  qu'il  nous  faille  endurer  beaucoup  de  fascheries  que  ce  n'est  pas  pourtant  qu'il  nous  reiette,  ne  qu'il  ne  vueille  nous  estre  propice,  et  que  nous  sentirons  sa  bonte.  Car  que  sont-ce  que  les  benedictions  que  recite  ici  Moyse,  et  Iacob  au  passage  que  nous  avons  allegue,  sinon  un  tesmoignage  certain  que  Dieu  se  vouloit  monstrer  propice  envers  les  lignees  d'Israel?  Et  toutesfois  cela  n'empesche  pas  qu'il  n'y  ait  eu  des  troubles,  qu'il  n'y  ait  eu  des  guerres,  qu'il  n'y  ait  eu  des  tentations  beaucoup.  Et  ainsi,  ne  pensons  pas  quand  Dieu  nous  tiendra  pour  ses  enfans,  et  qu'il  aura  pitie  de  nous,  que  nous  soyons  pourtant  exemptez  de  toute  fascherie,  que  nous  ayons  toutes  nos  aises,  que  tout  nous  vienne  a  souhait  et  selon  nostra  appetit:  car  cependant  nous  serons  affligez  et  molestez.  Qu'il  nous  suffise  donc  que  nous  ayons  Dieu  pour  nous,  lequel  en  la  fin  nous  adresse,  et  nous  donne  telle  delivrance  et  issue  en  tous  nos  maux,  que  nous  sachions  que  vrayement  il  se  tient  de  nostre  coste.  Quand  nous  avons  cela,  que  nous  passions  patiemment  parmi  toutes  les  tribulations  qu'il  nous  faudra  souffrir.  Il  sensuit  :  Que  Gad  a  veu  qu'il  y  avoit  portion  du  legislateur  cachee,  et  neantmoins  qu'il  viendra  avec  les  princes  pour  faire  la  iustice  de  Dieu  et  son  iugement.  Moyse  recite  ce  qui  estoit  desia  advenu  touchant  la  lignee  de  Gad,  et  l'excuse  de  ce  qu'il  avoit  demande  portion  outre  le  Iordain,  c'est  assavoir  le  pays  d'Og  roy  de  Basan,  et  ce  qui  avoit  este  conqueste  devant  le  trespas  de  Moyse.  Il  sembloit  bien  qu'en  cela  ces  deux  lignees  fussent  a  condamner,  Gad  et  Ruben,  de  ce  que  c'estoit  un  appetit  trop  hastif,  de  dire,  qu'ils  fussent  partagez  devant  que  le  peuple  fust  entre  en  la  terre  promise:  mais  tant  y  a  que  Dieu  l'approuve,  a  telle  condition  qu'ils  demandent  ce  partage-la.  Et  comment?  Ce  pays  la  fust  demeure  comme  desert,  et  n'eust  de  rien  servi.  Or  voila  les  deux  lignees,  qui  alleguent  qu'ils  ont  grand  bestail,  et  que  c'est  un  pays  de  pasturage,  qu'ils  pourront  la  laisser  leurs  femmes  et  leurs  enfans,  qu'ils  ne  seront  point  en  charge  a  toute  l'armee:  et  puis  que  cependant  leur  bestail  profitera,  le  pais  sera  habite:  quant  a  leurs  personnes,  ils  s'offrent  de  venir  avec  le  peuple,  et  de  mourir  la  plustost  qu'ils  ne  s'acquittent  de  leur  devoir  en  droite  fraternite.  Moyse  donc  excuse  ceste  requeste  qu'a  fait  la  lignee  de  Gad,  de  pouvoir  habiter  outre  le  Iordain,  et  avoir  la  sa  portion  et  son  heritage.  Il  dit  donc:  Qu'il  avoit  portion  cachee  du  Legislateur.  On  expose  ce  passage  communement:  II  a  veu  que  ce  devoit  estre  le