27:181  181  SUR  LE  DEUTER.  CHAP.  XII.  182  pour  nous  tenir  sous  la  conduite  de  nostre  Dieu:  quand  nous  sommes  a  repos,  alors  nostre  esprit  se  tormente  en  beaucoup  d'inquietudes  :  et  c'est  tout  le  contraire  de  ce  que  Dieu  pretend.  Car  s'il  nous  donne  relasche,  que  nous  ne  soyons  point  agitez  de  crainte,  ne  de  frayeur:  pourquoy  est-ce?  N'estce  pas  a  ce  que  nous  soyons  paisibles,  pour  dire:  Or  ca,  mon  Dieu,  si  i'estoye  en  trouble  d'esprit,  i'auroye  occasion  d'estre  transporte  ca  et  la,  et  de  cercher  a  faire  une  chose,  ou  une  autre,  ie  regarderoye  a  plusieurs  remedes:  maintenant  qu'il  te  plaist  me  tenir  a  repos,  c'est  bien  raison  Seigneur,  que  ie  me  tienne  coy,  et  que  ie  me  laisse  gouverner  par  ta  parolle,  que  ie  souffre  d'estre  plie  comme  tu  voudras,  et  que  ie  ne  vienne  point  lascher  la  bride  a  mes  concupiscences:  car  ce  seroit  une  ingratitude  meschante.  Voila  donc  ce  que  Moyse  a  entendu  en  ce  passage.  Or  ceci  se  rapporte  aussi  bien  a  nous.  Car  quand  il  plaira  a  Dieu  de  nous  donner  repos  de  nos  ennemis,  alors  nous  devons  estre  tant  plus  paisibles  en  nostre  estat  interieur.  Comme  quoy?  Si  nous  estions  entre  les  Papistes,  nous  pourrions  estre  en  telle  frayeur,  qu'il  faudroit  tous  les  iours  penser  a  nouveau  conseil  :  comme  ces  povres  gens  qui  sont  la  peuvent  dire:  Helas!  ie  n'ay  point  de  liberte  de  servir  a  Dieu.  Et  comment  me  pourray-ie  guider  en  sorte  que  ie  ne  me  pollue  point  parmi  les  superstitions  des  idolatres?  Voila  donc  ces  povres  captifs  qui  regardent  s'il  sera  possible  de  trouver  quelque  facon,  comme  pour  nager  entre  deux  eaux:  et  il  ne  s'en  faut  point  esbahir  s'ils  en  sont  la.  Vray  est  que  ce  n'est  point  excuse  suffisante:  car  quoy  qu'il  y  ait,  si  se  faut-il  resoudre  neantmoins  de  servir  a  Dieu.  Mais  de  nostre  coste  nous  sommes  beaucoup  plus  insupportables,  quand  nous  abuserons  du  loisir  que  Dieu  nous  donne.  Si  nous  sommes  en  liberte,  que  rien  n'empesche  que  nous  n'ayons  la  religion  pure  et  nette.  Car  en  sa  parolle  il  s'offre  a  nous  iournellement.  Et  pourtant  gardons-nous  de  plus  vaguer  en  nos  cerveaux,  mais  tenons-nous  en  ceste  bride-la:  puis  que  Dieu  nous  a  donne  repos,  suyvons  ce  qu'il  nous  monstre,  et  n'attentons  rien  qui  soit.  Or  nous  voyons  le  contraire:  car  il  adviendra  souventesfois  quand  les  hommes  sont  en  repos,  que  nul  ne  les  trouble,  ni  moleste,  qu'ils  se  voudront  alors  esgayer  comme  un  cheval  eschappe,  quand  il  n'a  plus  ne  bride  ne  selle:  et  l'experience  est  trop  commune,  que  ceux  ausquels  Dieu  a  fait  la  grace  d'avoir  sa  verite  toute  asseuree,  ils  penseront  de  mieux  valoir,  d'estre  ceci  pour  se  gouverner  en  telle  sorte,  et  pour  changer  en  tel  estat:  et  que  sera-ce  de  cela?  Voila  une  rage  diabolique  qui  nous  transporte,  quand  nous  ne  pouvons  pas  estre  paisibles,  lors  que  Dieu  nous  a  donne  repos,  qu'il  tient  nos  enne-