10.1:181  CONSILIA.  augere  nunc  quidem  velim.  Quod  si  mihi  non  denegas,  ut  vel  perstringam  aliquid  eius,  quo  summa  fere  momenta  verti  video,  sic  accipe.  Me  quum  a  gratuita  illa  peccatorum  remissione,  quae  Christi  Domini  morte  nobis  parta,  ac  eiusdem  gratiae  obsignatione,  quae  sacrosancto  coenae  mysterio  nobis  exhibenda  et  applicanda  ab  ipso  Christo  instituta  est,  in  sacrificium  illud  sua  vi  operatorium,  et  mortis  Christi  per  sese  applicativum,  et  illam  elementi  adorationem  (quid  autem  hoc  sit,  tacendo  satis  indico)  oculos  et  mentem  converto,  plane  aliter  sentire  non  posse,  quam  quum  illa  e  coelo  sint,  ut  omnino  constat,  ista  ab  hominibus  (ne  quid  gravius  dicam)  profecta  videri.  Proinde  nullius  esse  momenti,  ubi  de  Deo  colendo,  et  veritate  ipsius  sine  fermento  retinenda  agitur.  Sed  et  ista  fortasse  minus  parce  hoc  loco,  si  mei  captus  et  tenuitatis  rationem  tantum  habeas.  Tandem  vero  illud  a  te  contendam,  mi  pater,  ut  si  ad  me  audiendum  usque  propendere  dignaberis,  patruum  tecum  admittere  grave  non  sit,  quod  tibi  non  incommode  cessurum,  mihi  non  temere  persuadeam.  Bene  vale,  observando  pater,  ac  tuum  propter  Deum  subductitium  tua  benevolentia  non  magis  indignum  agnosce.  AD  PONTIFICIUM  QUENDAM  EXHORTATORIA  ET  APOLOGETICA.  1)  Quum  de  facie  tibi  ignotus  sim,  absurdum  tamen  non  videbitur,  quod  ad  te  scripserim,  si  tuos  liberos  istius  consilii  autores  apud  te  citavero.  Hoc  etiam  ad  illud  valere  cupio,  ut  sine  ullo  excusationum  circuitu  te  quamprimum  hic  compellem.  Etenim  hoc  de  te  accepi,  si  quid  ad  te  scriberem,  non  tantum  a  te  placide  admissum  iri,  sed  neque  molestum  tibi  futurum  illud  perlegere,  et  apud  te  deinde  meditari  et  expendere.  Illud  eam  de  te  spem  mihi  iniecit,  ut  quum  pietatis  semen  in  te  subesse  videam,  cultura  demum  adhibita  fructum  inde  consequuturum  suo  tempore  apud  me  constituerem.  Quum  igitur  ad  te  ipsum  excolendum  hoc  scriptum  pertineat,  in  primis  hoc  tecum  reputes  velim,  nihil  magis  decere  christianum  hominem,  quam  ut  dum  abusus  et  corruptelas  in  Dei  cultu  (qui  habetur)  palpabiles  notare  potest,  ac  debet,  det  etiam  operam,  ne  promiscuo  consensu  sese  in  illo  coeno  volutari  sinat:  inde  potius  discat  sibi  de  Dei  veritate  inquirendum  esse,  ut  in  illa  tuto  acquiescat.  Alterum  etiam  addo,  ut  quod  de  nostra  doctrina  subiiciam,  placide  audias:  brevi  enim  faciam,  ut  tanto  facilius  agnoscas  quam  viam  sequamur,  et  quo  illa  etiam  1)  In  editionibus  omnibus  sequitur  praecedentem  itidem  a  Beza  ex  gallico  versa.  Gen.  p.  144,  Laus.  p.  318,  Man.  p.  356,  Chouet  p,  195,  Amst  p.  89.