1:181  [CO  1.  181]  gine  suorum  ordinum  disputant,  quam  se  pueris  quoque  ipsis  ridiculos  faciunt?  Clerici  dicuntur  a  sorte,  vel  quia  a  Domino  sortiti,  vel  quia  de  sorte  Domini,  vel  quia  Deum  partem  habent.  At  sacrilegium  fuit,  usurpare  sibi  hunc  titulum,  qui  totius  erat  ecclesiae.  Est  enim  illa  Christi  haereditas  ei  a  patre  data.  Nec  Petrus  pauculos  rasos,  ut  ipsi  improbe  confingunt,  cleros  vocat,  [OS  207]  sed  universam  Dei  plebem  (1Petr.  5).  Sequitur  apud  eos:  raduntur  clerici  in  vertice,  ut  corona  regale  decus  significet;  quia  reges  debent  esse  clerici,  ut  se  et  alios  regant,  quibus  Petrus  loquitur  (l  Petr.  2)  :  Vos  estis  genus  electum,  regale  sacerdotium,  gens  sancta,  populus  acquisitionis.  En  iterum  eos  falsi  arguo.  Petrus  totam  ecclesiam  alloquitur,  isti  ad  pauculos  detorquent,  quasi  solis  illis  dictum  sit:  sancti  estote,  quasi  soli  illi  sanguine  Christi  acquisiti  sint,  quasi  soli  illi  per  Christum  facti  sint  regnum  et  sacerdotium [p. 371]  Deo.  Assignant  deinde  et  alias  rationes.  Summitas  capitis  denudatur,  ut  eorum  mens  ad  Dominum  libera  monstretur,  quae  revelata  facie  Dei  gloriam  contempletur;  vel  ut  vitia  oris  et  oculorum  doceantur  praecidenda;  vel  rasura  capitis  est,  temporalium  depositio,  circumferentia  vero  coronae  reliquiae  sunt  bonorum,  quae  ad  sustentationem  retinentur.  1)  Omnia  in  figuris,  quia  scilicet  velum  templi  nondum  scissum  est.  Itaque  persuasi  se  praeclare  defunctos  esse  suis  partibus,  quod  talia  per  coronam  suam  figuraverint,  nihil  eorum  re  ipsa  praestant.  Quousque  nos  talibus  fucis  et  praestigiis  ludent?  Clerici  detonsis  aliquot  capillis,  significant  temporalium  bonorum  abundantiam  se  abiecisse,  gloriam  Dei  contemplari,  aurium  oculorumque  concupiscentiam  mortificasse,  et  nullum  est  hominum  genus  rapacius,  stupidius,  libidinosius.  Cur  non  magis  sanctitatem  vere  exhibent,  quam  falsis  mendacibusque  signis  ipsius  speciem  simulant?  Porro,  cum  dicunt  2)  coronam  clericalem  habere  originem  a  Nazaraeis  et  rationem,  quid  aliud  adferunt,  quam  sua  mysteria  a  iudaicis  caeremoniis  nata  esse,  vel  potius  merum  esse  Iudaismum?  Quod  autem  addunt,  Priscillam,  Aquilam  et  Paulum  ipsum,  suscepto  voto  sibi  rasisse  caput,  ut  purificarentur  (Act.  18), [p. 372]  crassam  suam  ignorantiam  produnt.  Nusquam  enim  legitur  de  Priscilla,  ac  de  Aquila  etiam  incertum  est,  siquidem  tam  ad  Paulum  referri  potest  tonsura  illa,  quam  ad  Aquilam.  Ne  vero  illis  relinquamus  quod  petunt,  exemplum  eos  habere  a  Paulo,  observandum  est  simplicioribus,  Paulum  nunquam  caput  sibi  totondisse  ad  sanctificationem  aliquam,  sed  duntaxat  ut  fratrum  infirmi-  1)  Lib.  4.  sentent.  dist.  24.  c.  duo  sunt.  sentent.  dist.  24.  c.  1.  2)  Lib.  4.